almasalsharq
مقالات مشابهة
تيبست أطرافي وجحظت عيناي وانا انظر إلي الحائط الذي به خيال ضخم ليد عملاقة تمسك بتلابيب طفل صغير من ملابسه الممزقة، وفي لحظة واحدة تحركت اليد وهي تجر الطفل ودخلا سويا الي لوحة معلقة علي الحائط واختفت بداخله، لم اتمالك نفسي وسقطت علي الارض مغشيا علي ، استيقظت علي رنين الهاتف مكالمة واردة من امي
الو ايوا يا ماما =فريدة وحشتيني حبيبتي فينك من امبارح انا تعبانة قوي يا ماما ومرعوبة
= في ايه بس يا حبيبتي مالك
ماما هو انتي مش كنتي بتقولي انك عاوزة تنزلي مصر عشان تخلصي أوراق مهمة = ايوا يا حبيبتي بس قلت علي الصيف بقي ماما عشان خاطري انا محتجالك تجي
= في ايه بس يا فريدة عفريت جديد؟
ياربته عفريت يا ماما دا شكله شيطان = أعوذ بالله من الشيطان الرجيم ،شيطان ايه بس يا بنتي اه والله يا ماما شفت خيال لايد كبيرة علي الحيطة جره طفل صغير من هدومه و الولد شكله متبهدل خالص وشعره منكوش ودخلت بيه جوا اللوحة الي علي الحيطة
_ دخلت بيه جوا اللوحة،غريبة قوي
= أنا من ساعتها اغمي عليا وفقت علي رنة اتصالك ،أنا مرعوبة يا ماما ارجوكي تعالي
=حاضر يا حبيبتي حاضر هتصرف وانزل اجازة
ومر يومين لم اذق فيهما طعم النوم أو الراحة للحظات واخيرا وصلت امي إلي مصر،استقبلها بحفاوة وبعد أن استراحت من رحلتها قالت
فين بقي يا فريدة اللوحة وريني كدا =في الاوضة الاخيرة الكبيرة دي يا ماما طيب يلا نشوفها سوا
وقفت أمام اللوحة وانا في ذهول تغير شكل اللوحة تماما ،لم يكن هذا هو شكلها في السابق ،ما الذي يحدث؟لاحظت امي ذهولي فقالت
_ مالك يا فريدة في ايه؟
= ماما الصورة دي مكنش شكلها كدا ،دي كانت حديقة شكلها جميل قوي ،بصي كدا يا ماما في ولد من بعيد قوي واقف وجنبه بيت قديم
= ايوا تصدقي في ولد واقف بس ملامحه مش باينه اصلا
_ يمكن الولد ده هو الي اتجر ودخل الصورة
= تفتكري هو يا ماما
_ اكيد امال الصورة اتغيرت ليه ،ماهو عشان هو دخلها
_ عندك حق فعلا لازم اعرف ايه حكاية الصورة دي ومين الواد ده.
