almasalsharq
مقالات مشابهة
التلعثم هو اضطراب يعترض طلاقة الكلام فيجدون صعوبة في التحدث به. على سبيل المثال، قد يكرر أو يطيل كلمة أو مقطعًا أو صوتًا ساكنًا أو صوتًا من أصوات حرف العلة. أو قد يتوقفون أثناء الكلام لأنهم وصلوا إلى كلمة أو صوت يتسبب في مشكلة لهم
ما هوعلاج التلعثم ؟؟؟
في علاج التلعثم بنشتغل علي العديد من الجوانب
اولهم و أهمهم
الجانب النفسي :
الشيء المشترك لاي متلعثم هي المشاكل النفسية اللي بتترتب علي التلعثم و منها
عدم الثقة بالنفس
القلق و التوتر
الخوف من المستقبل
الانطوائية و العزلة
التفكير احيانا بشكل سلبي
العصبية
عشان كدة مهم جدا نكون مدركين لعلاج المشاكل النفسية و ازاي نتخلص منها و نتغلب علي كل القلق و التوتر و المخاوف
مثال : الخوف و التوتر الناتج عند دخوله مكان لاول مرة فلما بيدخل مكان جديد بيتوتر و يتلعثم
ايه الحل : احل مشكلة عن طريق الدخول لاماكن جديدة كثيرا و ان ادرب عقلي و مخي ان مش هيحصلي حاجة لما ادخل مكان جديد بمساعدة متخصصين و المواظبة علي العلاج كله هيكون تمام ان شاء الله
مثال اخر : لما بسمع صوت عالي في المناقشة او في الحوار ويجي دوري في الكلام و الرد بتلعثم هنا يبقي احاول اعمل Control علي نفسي وقت سماع الصوت العالي و ده بالتدريب مع المتخصص المعالج ليك باذن الله هتكون تمام فلما تسمع صوت عالي و تدرب نفسك انك تكون هادي مع العلاج الكلامي ” التخاطب ” ان شاء الله هتتحسن جدا
تحفيز المتلعثم و اعطاء الامل له في انه هيتحسن و نستعين بالاشخاص اللي حقيقي اتحسنوا
ايضا لابد من تحسين صورة الذات عند المتلعثم بحيث يكون عندهم تصور انهم قادرين علي فعل اي شيء بالتلعثم اولا لان كونك ان عندك تلعثم ده مش اعاقة تفكير و لا اعاقة في جسمك يعني ايدك مش مقطوعة و لا رجلك فبالتالي انت تقدر تعمل اي شيء بشرط ان يكون عندك ثقة بنفسك و بقدراتك الكثيرة و لكن السعي للتحدث بطلاقة امر جيد جدا
فالعلاج النفسي مفتاح كل شيء
العلاج الدوائي
ياتري فيه دوا بيخفف التلعثم ؟ لا مافيش
و لكن فيه ادوية لتهدئة الشخص لو وصل لمرحلة انه مش قادر بنفسه ع ازالة التوتر و القلق و الخوف فطبيب النفسي بيعطي ادوية
خصوصا لما يكون التلعثم مصاحب لانفعالات علي الوجه رعشة الشفايف
ارتجاف في العين
العلاج الكلامي ” التخاطب “
يقوم اخصائي التخاطب باختبار شدة التلعثم و بيان درجته و شدتة
و علي اساسه بيحدد شكل التلعثم ‘ توقف؛ اطالة في الاصوات ؛ تكرار “
و ايه الكلمات و الاصوات اللي بيتلعثم فيها باستمرار و بيتم التدريب علي التعبير عنها بطلاقة
نساعد المتلعثم علي أنه قادر علي تغيير سلوكه اللي فيه مشكلة ” عدم الطلاقة ” الي سلوك سليم خالي من اي تهتهة ” علي قدر المستطاع
و تعويد المتلعثم علي اعمال control ع الامور التي تزيد من شدة التلعثم مثال انه لو شاف شخص معين بيتوتر يدرب عقله و يمهد لنفسه ازاي لما يشوف اي شخص جديد يتحكم في نفسه من خلال ضبط النفس و التحدث بهدوء
العلاج الكلامي و هو تدريب الشخص المتلعثم ع نمط هاديء واضح في الكلام من غير ما يقول له اتكلم براحة طيب ازااي و تدريبه علي تهيئة نفسه قبل التحدث ليتحدث بطلاقة
يعني فكر قبل ما تتكلم مع إزالة الرهبة و الخوف و ده بيتم من خلال
حوار عادي الاخصائي بيتكلم فيه باسلوب هادي واضح و بيعود المتلعثم ازاي يكتسب السلوك اللغوي الصحيح ‘ طلاقة الكلام’
و ايضا من خلال القراءة اشياء محببة للمتلعثم بحيث يتم الوصول به أنه يقرا بطلاقة بدون أي تلعثم و بعد ما يتم القراءة أجعل المتلعثم يحكي لك ماقرأ باللغة العامية بهدوء مع تظبيط النفس ع مقدار الكلام و كل ما استطاع المتلعثم تظبيط نفسه مع الكلام كل ما نجح في جعل كلامه واضح و هادي
من خلال سرد قصص بالنسبة للأطفال عشان مع التدريب يعبروا و يحكوا قصص بطلاقة بدون اي تلعثم
من خلال رؤية فيديو و اعادة سرده و مع التدريب مع الاخصائي هيحكي اي حاجة يشوفها بطلاقة
و عند وصول التلعثم انه بيتكلم بطريقة مقبولة و جيدة مع أخصائي التخاطب
يبدأ تدريب المتلعثم مع الاخرين في البداية في وجود الاخصائي ثم المتلعثم مع الاخرين للتحكم في قدرته ع التلعثم
ثم يتم مراجعة ماحدث بين المتلعثم والاخرين مع أخصائي التخاطب
تدريبات سميث للتنفس لتساعد المتلعثم ع الاسترخاء و ضبط سياق الكلام بشكل أحسن ،، هذه التدريبات مهمة جدا
و لابد ان يعلم ان طبيعي التلعثم يختفي و يعود فلابد من تدريب المتلعثم علي تقبل هذه الحقيقة
و لابد من تقبل نفسك كما هي انا بقارن نفسي بنفسي ليس بالآخرين فاهتم ان اكون جودة كلامي اليوم افضل من امس
و كل تمنياتي لجميع البشر بالشفاء و التوفيق
