almasalsharq
مقالات مشابهة
اضطراب المعالجة السمعية هو ان الطفل بيعاني من صعوبة في فهم و تفسير الصوت و الكلام المسموع برغم وصول الصوت للعصب السمعي عادي جدا
لكن لعدم التناسق السليم بين الأذن ” السمع ” و المخ بيحصل المشكلة و هي ان بلاقي الطفل مش بيفهم بنفس الطريقة الطبيعية اللي زمايله بيفهموا بيها بياخد وقت كبير جدا عشان المعلومة تنسي و عادي جدا انه بعد ما يفهم يرجع تاني يغلط و يغلط ونصحح و يغلط
و دايما بنلاحظ المشكلة دي لما الطفل بيدخل المدرسة
أعراض اضطراب المعالجة السمعية
- صعوبة السمع في الضوضاء
- صعوبة في اتباع الاوامر متعددة الخطوات مثل اقفل الباب قبل ماتقعد و اعمل الواجب بتاعك
- صعوبة في الكلام المسترسل و سرد احداث يومه
- صعوبة في القراءة و الاملاء
- صعوبة في التنظيم مثلا ” هو السبت بيجي قبل الاحد “
- صعوبة في استرجاع الكلمات
- مشاكل في الذاكرة سرعان ما ينسي مثل انزل هات كذا و كذا و كذا بينزل الطفل ينسي مامته قالتله ايه
- تأخر لغوي بدون سبب
مين اللي بيشخص هذا الاضطراب ” فقط أخصائي السمعيات “
دمتم موفقين مع أولادكم ❤️
