almasalsharq
Related Articles
مرت ثواني والطفل يجذبني بداخل ظلام دامس، وفجأه اختفي ووجدت نفسي في منتصف غرفة واسعة ،بابها مفتوح وليس بها أي أغراض، بدأت بالنظر في جميع الأتجاهات، لا يوجد أي شيء سوى الجدران والباب،خرجت من الباب وجدت ممر طويل جدا وضيق للغاية يكاد يتسع لشخص رفيع، مشيت في الممر وهو يحز في جسدي من شدة ضيقه ، الاضاءة به خافتة للغاية،أكاد أري يداي بصعوبة وأخيرا وصلت لنهايته، وجدت مجموعة من الغرف كلما حاولت فتح واحد أجده مغلق ،حتي أخيرا فُتِح أحدهم ،دخلت منه فوجدت الطفل يجلس علي كرسي في زاوية وتقف أمامه سيدة طويلة القامة وضخمة الجثة ،كانت تصرخ وتضرب به بيدها اليمني التي ترتدي بها قفاز طويل اسود اللون ، انهالت علي الصغير باللكمات والصفعات المتكررة حتي خر علي الارض وهو غارق في دمائه ،ثم التفتت ومرت من خلالي كأني هواء واحضرت شوال كبير وضعت به الصغير وخرجت من الغرفة ،حاولت اللحاق بها إلا انها دخلت احدي الغرف فدخلت ورائها وجدت نفسي في الحجرة بداخل منزلي .
اتجهت مباشرة الي امي وقصصت عليها كل ما حدث
_ والله يا ماما انا ما عارفة ان كنت بحلم ولا دا كان بجد
= لا مكنتيش بتحلمي يا فريدة، الولد حب يوريكي هو اتقتل ازاي
_ ايوا يا ماما،فضلت تضرب فيه لحد ما مات في ايديها وكانت لابسة جونتي اسود كبير في ايدها الي بتضرب بيها وبعدها حطته في شوال
= واضح انها متعودة تعمل كدا
_ ايوا باين كدا ،يا تري مين الست دي ،واوصل لها ازاي واجيب حق المسكين ده،طب ايه المكان ده اصلا والاوض دي مقفوله ليه،أنا هتجنن
= اهدي بس ، مسير الرسام يطلع من السجن ونعرف
يطلع ايه بس دا لساله شهر يا ماما،هقعد شهر استني = يا حبيبتي الصبر حاضر يا ماما ،هسيبك أنا واروح انام شوية
ومر الشهر وذهبت إلي الجاليري وانا ادعو الله أن اقابل مأمون ويشاء الله أن يكون هو أول من يستقبلني هناك
_ السلام عليكم
= وعليكم السلام ،تحت امرك يا فندم
_ لو سمحت انا عاوزة اعرف مأمون الرسام الاقيه فين؟
= أنا مأمون يا فندم اؤمريني
_ بجد،الحمد لله انك طلعت
= هو حضرتك تعرفيني يا فندم
_ مش بالضبط ،أنا هفهمك بس الأول،ممكن تبص في الموبيل ده كدا علي الصورة دي
= ايوا ،شايفها مالها بقي
_ انت الي رسمتها ؟
= ايوا
طيب معلش ممكن سؤال كمان = اتفضلي بص علي الموبيل تاني كدا صورة البيت ده الي في الصورة التانية تعرفها؟
= أعوذ بالله بيت عتيقة
_ بيت عتيقة؟ يعني ايه
=انتي مين ومين الي بعتك؟
_ انا هحكيلك كل حاجة حصلت ،بس أمانة عليك تقلي الحقيقة البيت دا بيت مين وايه حكايته
_ اتفضلي قولي كل الي عندك وبعدها نشوف.
