almasalsharq
مقالات مشابهة
خرجت من الشقة وتوجهت إلي الشيخ عبد الحميد أمام مسجد المنطقة وقصصت عليه كل ما يحدث وطلبت منه المساعدة ثم اصطحبته معي ليرى بنفسه كل شيء
_ اتفضل يا شيخنا ثواني بس افتح الباب
= توكلنا علي الله وريني بقي يا سيدي
وفي ثواني تجهم وجهه وتغيرت ملامحه
= دا مش جن يا استاذ محسن، ولاد اخوك ماتوا ازاي؟
_ ماتوا حادثة يا شيخنا
،أصل حسام كان طايش ومتهور اكيد سواقته الجنونية هي السبب في الحادثة
= غريبة قوي ،المنظر صعب زي ما يكون حد غسل الحيطان كلها بالدم ،طيب الطب الشرعي قال ايه؟
_ قال حادثة، يلا بقي
يا شيخنا ارقي المكان خليهم يمشوا ، مش مهم حصل ايه،المهم بس يمشوا
= الله المستعان توكلت عليك يارب
وبدأ الشيخ عبد الحميد في تلاوة آيات محددة من القرآن وظل يتلوا ما يزيد عن الساعة ،وبعدها قال
= يا أبني انا عاوز اقلك علي حاجه، الموضوع ده وراه سر، هما لسه موجودين ربنا يعينك بقي، انا عملت كل الي اقدر عليه
التقطت انفاسي بصعوبة وقررت احضار شيخ آخر وتكرر نفس الموقف مرتين ولم يتغير شيء ومر اسبوع وجاءني يوسف صديقي يطلب الشقة أو المال
_ جري ايه يا محسن، خلص الاسبوع ولسه معملتش حاجة
= مين قال بس اني معملتش ،أنا جبت تلات شيوخ وبرده مفيش فايدة
_ يبقي نجيب حد من الي بيتواصلوا مع الأرواح، ساحر بقي ولا عراف أي حد من الناس دي
= ساحر ايه وتخريف ايه؟ انتا عاوز تمشيني في سكة الدجل
_ يا عم اسمع،دول اكتر ناس بتتصل بالعالم السفلي والجن وخلافه ،هما دول الي هيمشوهم اسمع مني بس
= تفتكر دا الحل؟
_ اه الحل أنا أعرف عنوان واحد هقلك عليه،روح هاته وتعالا بسرعة وهسبقك علي هناك
= طيب ماشي هات العنوان
_ وبالفعل ذهبت إلي العنوان واحضرت المدعو رمان وجاء معه طلاسم غريبة واوراق وبخور وعلبه بها دم وريش وبعض العملات المعدنية الغريبة وطلب مني حملها معه حتي قابلنا يوسف أمام المدخل وصعدنا سويا وبدأ رمان في طقوسة الغريبة وانا انظر يمينا ويسارا وأكاد أن افقد صوابي من كثرة الفرغ
وبعد أقل من عشرة دقائق
تعالت أصوات ضحكات هستيرية ثم صرخات متتالية ،كادت أن تفجر آذاننا وبدأ الدم يسيل من كل شبر ويجري تحت اقدامنا علي الارض
يوسف: ايه ده !!ايه ده!! أعوذ بالله ،أنا هموت من الخوف يلا نخرج من هنا يا محسن
محسن: ايه دا يا عم رمان؟ ايه الأصوات الفظيعة دي والدم دا كله
انا قلبي هيقف خلاص
انت بتطردهم ولا بتحضرهم
رمان: بحاول اتفاوض معاهم عشان يمشوا وهما رافضين الصلح
يوسف: مين دول؟
رمان : أصحاب الشقة ولاد اخوك
يوسف : مش قلتلك يا محسن انهم ولاد اخوك
محسن: اسكت يا يوسف مش وقتك خالص
وبعد ثواني بدأت الأبواب تطرق بمنتهي القوة ويتعالي الصراخ اكثر فأكثر ثم توقف كل شيء وفجأة اختفي كل من بالغرفة
واصبحت أقف وحيدا وامامي حسام وسهي.
وعلي الجانب الاخر في منزل فريدة في المملكة
يا مساء الفل يا قمر البنات =مساء الهنا يا ماما فريدة أنا عاوزه اتكلم معاكي شوية ، ممكن؟
= طبعا ،اتفضلي يا ماما ،أنا تحت امرك
_ يا بنتي من ساعة ما جيتي و انتي متغيرة قوي ومش بتخرجي من اوضتك فيكي ايه؟
= عندك حق يا ماما، أنا تعبانة نفسيا ورحت لدكتور وباخد ادوية
_ ليه يا حبيبتي ،في ايه مالك؟
= رجعت اشوف العفاريت تاني ويكلموني واكلمهم
_ يا بنتي في ناس كدا ،جدتك كانت زيك بتشوفهم وتكلمهم وانا مكنتش بصدقها في الاول، بس لما لقيتها بتساعدهم وتحل الغاز فهمت هما بيطلعوا ليها ليه ،يا بنتي ربنا اختارك لحاجه مميزة مش اي حد يقدر عليها
= يا ماما انا تعبت ،المرادي جيراني في الشقة الجديدة وشفتهم من اول ما وصلت ،شاب واخته وروحك محبوسة في شقتهم رافضة تمشي
_ تصدقي بقي انا كدا فهمت ،هو مين قالك علي الشقة دي؟
= جالي تليفون من شركة عقارية وقالولي ان عندنا شقة ونفس المواصفات الي أنا عاوزاها فخدت العنوان ورحت اشترتها
_
طيب انتي كنت مقدمة عندهم انك عاوزة شقة؟
= لا
_ طيب معاكي رقم الشركة دي وعنوانها ؟
= ايوا معايا
_ كلميهم وأسالي عرفوا منين انك عاوزة شقة
_ ماما الرقم غير موجود بالخدمة
دوري علي النت بسرعة حاضر ،هدور اهو ،ماما مفيش اي بيانات للشركة أو الرقم ده
= يبقي الي كنت بفكر فيه صح ،المرادي الاولاد هما الي جابوكي لعندهم لانهم عارفين انك الوحيدة الي هتقدرى تساعديهم.
