almasalsharq
مقالات مشابهة
بعض محاولات الهدم والتكسير الخارجية
جاية تقويك وتحركك وتهدم اصنامك من البشر
وبعض محاولات الهدم والتدمير الذاتية
جاية تبصرك بأحكامك ومقارناتك عشان تحررها وتهدمها
بعض محاولات التشكيك الخارجية
جاية تنقلك من بحار الشك الى شط اليقين جاية تنقلك من مرحله الي مرحله ،جاية ترقيقك في مراتب الايمان
وبعض محاولات التشكيك الذاتية
جاية تقولك كمل ،، استمر ،، صدق
ومتنساش تطلب الهداية والإستعانة
كل محاولة تزحزحك عن موضع أمانك
جاية تفرغك وتفنيك
تقربك وتوصلك بالباقي
جرب تشوف وتصدق ان هناك وجها طيبا يسيرا لكل عسير
وجرب تستخدم وعى السؤال
✨اسال ازاى ممكن تتحول كل محاولات الهدم والتكسير الخارجية والتى اقوم بيها او تبينتها بشكل واع او لاواعى لطاقه داعمة ليا تكون سبب في تغيير وضعي الحالي الى وضع افضل وافضل واقرب إليك ياالله
✨ازاى ممكن كل محاولات التشكيك الخارجية والذاتيه تتحول لطاقه داعمه تنقلنى بكل يسر وترقيني في مراتب الايمان وتُعرفنى نفسي اكتر واكتر وتدلنى اليك ياالله
✨ايه اللى اكون عليه او ادركه او اتعلمه عشان تكون كل زحزحه او تهديد يقابلنى في الحياة سبب في طهارة وجلاء القلب من كل اوهام وهموم الدنيا وتُعلق قلبي بك وحدك ياالله ..
اسال من غير ما تفكر ف اجابه
اسال بس، الاجابة بتجى من المجيب
بتجى بمقادير وتدابير وترتيبات ربانيه محكمه
بتفتح لك وعيك وتدلك علي الطريق
وتذكر ﴿وَآتَاكُم مِّن كُلِّ مَا سَأَلْتُمُوهُ﴾
السؤال نعمة
والمجيب كريم
