almasalsharq
Related Articles
اليوم كان يوم غريب، حدث ما لم يكن في الحسبان ،بعد صلاة الفجر بدقائق وقبل الإقامة سمعت صوت شجار ،جريت نحو الشرفة فوجدت حسام وسهي يتشاجران مرت دقائق والوضع يزيد سوءا وفجأة صفعته ودخلت المبني ،انه نفس المشهد الذي رأيته منذ شهر ولكني رأيته في المرة السابقة من الأمام ، هل انا اتخيل ؟ ام انها صفعته للمرة الثانية ؟ لا أنهم يرتدون نفس الثياب ،فذهبت مسرعة نحو الباب لاقابل حسام أمام الشقة مثلما حدث في المرة السابقة ،انتظرت طويلا ولم يظهر ،وهل يحتاج شبحا الي الدخول من الباب واستخدام المفتاح ، تعبت من الانتظار فاغلقت الباب وعند استدارتي وجدته أمامي في شقتي فصرخت
_بسم الله الرحمن الرحيم، ايه ايه عاوز ايه
انت دخلت هنا ليه
= اهدي يا فريده ،هو انا شيطان، لو عاوزة تشغلي قرآن شغلي يمكن تطمني
اسرعت نحو التلفاز و
امسكت بجهاز التحكم عن بعد وحاولت الضغط علي زر انتقال القنوات وبدأت يداي في الارتعاش، لم اقدر علي التحكم ولا الضغط علي الازرار
وجدته يهمس بجوار اذني بهدوء
=اساعدك
وقع الجهاز من يدي ،جلست اتمتم آيه الكرسي وجسدي ينتفض
= قال وهو منفعل، علي فكرة انتي كلميني اخر مرة وكنتي عادي، وعشان كدا اتجرأت وجيت ،انا همشي ومعتش جاي
استجمعت قواي ووقفت وضغطت علي الزر ،وعلا صوت القرآن في المكان واخذت نفسا عميقا
_ انا اسفة ،اصلي لقيتك ورايا اتفزعت
= انا عارفة انك شفتي كل حاجه من البلكونة ،أنا الي قصدت اعيد قدامك كل شيء ،هي مضربتنيش الا مرة،سهي مش راضية تصدقني وزعلانة مني
_ زعلانة ليه وتصدقك في ايه؟ ممكن تقلي ايه حصل
= طيب هحكيلك من الأول بس بسرعة قبل الشروق لو طلعت الشمس لازم اختفي ودا الوقت بس الي ممكن اظهرلك فيه
_ طيب انا سمعاك
= بصي يا ستي جدي رحمة الله عليه ،كان عنده ورث كبير قوي ،وقرر انه يوزع تركته وهو عايش بس كان خايف من عمي اصلة طول عمره مسرف وبيدمر كل حاجة بيمسكها فقرر يكتب لابويا كل الورث ظاهريا وابويا يبقي المسؤول عن كل شيء وهو يدي لعمي منه الفلوس الي يحتاجها بس بحساب
_ استني مش دا الكلام الي البواب قاله
= البواب قال الكلام الي عمي بيردده،اسمعي الحقيقة مني
_ حاضر هسمع،كمل
= المهم بابا بدأ واشتري شركة وخدت فلوس كتير جدا وبدأ يشتغل ليل نهار عشان يخليها تكبر وعمي مش بيبطل خلافات معاه من كتر ما بياخد منه فلوس ويصرفها كلها علي كلام فارغ،بابا اشتري لينا الشقة دي نقلنا فيها و جاب لعمي شقة زيها وكاتبها باسمه ،عمي اتجوز في الشقة وحصل خلاف مع مراته وأهلها بيعوه الشقة وهو بيطلعوا وكتبوها باسم ولاده وجه يقول لبابا اديني شقتك وهات غيرها هنا حصل خلاف جامد بينهم وبابا قاله انت بتصرف بجنون واتخاصموا مدة طويلة ،بابا في الفترة دي جاله سرطان وانا كنت لسه في ثانوي وسهي في الجامعة ومش عارفين نتصرف ،طلبنا من عمو يساعدنا او حتي يقف معانا رفض وطلب الشقة الأول يا اما ملوش دعوة بينا وفي مرة في ايام بابا الاخيرة جالنا وزعق علي بابا قدامي وحاول يضربه وهو بين الحياة والموت ومقدرتش امسك نفسي فضربته وطردته من بيتنا، فسهي معجبهاش الي حصل واتخانقنا احنا كمان وضربتني بالقلم لأول مرة وقالت إني مجنون مش بعرف اتحكم في نفسي وازاي ازعقلهاوازاي أمد ايدي علي عمي قلتلها هو الي بدأ
ومد ايده علي ابويا في مرضه، وبعد الخناقة دي بأسبوع بابا اتوفي ومحضرش الجنازة ولا جه وبعدها لقيت واحد بيتصل بيا من رقم غريب وبيقول
_ حسام رحت فين ،حسام ، حسام
قد بدأ شروق الشمس في الظهور، ورحل حسام ولكنه كشف جزء كبير من الحقيقة قبل أن يرحل
