ظل حواري مع كريمة يدور برأسي لأيام ، فلم يكن ما حدث مع سهي وحسام يحدث للمرة الأولي فقد تكرر ذلك الأمر مرتين في السابق ،ولذلك قررت أن أعيش في مكان بعيد عسي أن لا يتكرر الامر وللأسف تكرر .
بعد اسبوع وانا استعد لنزولي للعمل سمعت أصوات من الخارج وعندما فتحت باب الشقة وجدت شقة ١٢ بها أشخاص تتحدث، واحدهم يقول للآخر
وبعدين بقي يا محسن انتا جايبنا الساعة سبعة الصبح نشوف الشقة يعني مكنش ينفع العشا احسن لما نخلص اشغالنا = ما انت عارف اني مش ببقي فاضي بالليل وبعدين يا اخي انا قلت هعملك تخفيض لو هتاخدها ،التخفيض ميستهلش تنزله بدري يعني طيب انتا ليه عاوز تبعها مش دي شقه اخوك الله يرحمه الي كنت هتتجنن عليها زمان
=مش حاببها دلوقت يا اخي، فيها ريحة اخويا وولاده الله يرحمهم،بتقلب عليا المواجع ،
المهم موافق ولا ايه؟
_حاضر هفكر وبإذن الله بكرة ارد عليك
= ماشي هستني منك تليفون ومتتاخرش عليا
يلا بينا نمشي هنتاخر علي الشغل
انطلقا مسرعين وانا اتابعهم بنظري ،وجملة واحدة تجول بخاطري مش كنت هتموت عليها زمان،لماذا كان يرغب في شقة أخاه وأولاده؟ لابد وجود سر وراء تلك الشقة ،انطلقت الي عملي وعند عودتي وجدت البواب سعيد يجلس عند المدخل فقررت ان أسأله
صباح الفل يا عم سعيد = صباحك فل يا استاذة فريدة شفت الي كانوا جايين الصبح بدري لشقة ١٢ ولا كنت نايم
= قصدك الاستاذ محسن
صاحب الشقة،اه سمعت صوتهم وانا نايم كانوا جايين بدري قوي
ايوا كان جاي بدري ليه كدا؟ = أصله بيترعب من الشقة بالليل ليه ؟ مالها الشقة بالليل؟
= بيقولوا مسكونة، اصلها اتأجرت ولا عشر مرات والسكان هربوا وفي الاخر قرر يبيعها وبرده مش عارف
_ مسكونة ازاي يعني؟ شافوا ايه؟
= بيقولوا أصحاب البيت
بيطلعوا لهم
_ ايوا ايه حكاية أصحاب البيت دول،ممكن تحكيلي؟
= حاضر من عنيا ،بصي يا استاذة الحج سمير رحمه الله عليه دا ابو الاستاذ محسن والأستاذ محمد ابو سهي وحسام
قرر يوزع تركته وهو عايش وقسم فلوسه وادا لكل واحد نصيبه، استاذ محمد رحمه الله عليه خد فلوسه شغلها وكبرها واشتري الشقة دي وعربية وكان معيش ولاده احسن عيشة عشان يعوضهم عن موت امهم
_ هي والدتهم ماتت امتي؟
= وهي بتولد حسام الله يرحمه
= الله يرحمها
طيب وهما ماتوا ازاي =الاستاذ محمد الله يرحمه مات بالمرض الوِحش مرض الوِحش؟
= اه الي بيقولوا عليه سرطان
_ لا اله الا الله ربنا يرحمه هو وزوجته، طب والأولاد ماتوا ازاي
= دي بقي حادثة ليها العجب ، الحكومة فضلت تحقق فيها اكتر من سنة وموصلوش لحاجه
_ ايه حصل ؟
= العربية انقلبت بيهم قعد حسام في المستشفي شهر بين الحياة والموت وبعدين اتوفي وسهي ماتت علي طول
_ كتر خيرك يا عم سعيد ،انا
هطلع بقي
= في رعايةالله يا استاذة
وهنا عاد لرأسي الدوران ،ورث يوزع ، حادث سيارة هل هي مصادفة ام تم قتلهم ؟ أصبحت افكر بلا توقف حني الرابعة صباحا ،لم أنام ولا دقيقة واحدة وفجأة سمعت صوتا في الخارج ،خرجت إلي الشرفة مسرعة وجدت حسام وسهي في الشرفة يجلسان علي كرسيين خشبين وامامهم طاولة عليها بعض الاغراض ، ألقيت عليهم التحية بدون اي خوف
_مساء الخير ازيك يا سهي ازيك يا حسام
سهي لم ترد رمقتني بنظرة غضب كبيرة واختفت في لمح البصر
=أما حسام فأجاب
ازيك يا فريدة ،انتي خلاص بقيتي عارفة احنا ايه مش كدا
ايوا يا حسام عارفة =طيب هو انتي شيفانا ازاي ربنا خلقني بعرف اشوف
الاطياف
=قصدك الأموات
بس احنا لسه مرحناش هناك ،لسه روحنا مربوطة هنا ،لحد ظهور الحقيقة
_حقيقة ايه ،ممكن تقلي
=كل شيء بأوان يا فريدة
صدقيني كل شيء بأوان
كررها مرتين واختفي هو الكراسي والمنضدة
وعدت انا الي شرودي ،
هل ما اشك به حقيقة ؟ هل تم قتلهم ؟ ما الذي حدث وما الأوان الذي ينتظره حسام ؟ يا لها من قصة غريبة.
