almasalsharq
مقالات مشابهة
بلاش خداع وكدب
ماتقولش اني بحب
علشان كل عمايلك
بتقول مالكش قلب
كداب والكدب صنعه
خليت لي الدنيا والعه
وسنين كتير هاتفضل
نورها في الدنيا شمعه
ياحبيبي ازاي حبيب
وانا منك عايش غريب
لما تحس ب حروفي
هاتشوف فوق شعري شيب
عجوز انا افتكرت
كنت بحلم اعود
وكتير انا ليك سهرت
اسمع لحن الخدود
وابعت لك كام رساله
واستني منك ردود
بس خلاص وصلت
ولكل مقال مقام
وفي حبي ليك اتصدمت
وتاه…… مني الكلام
بكره تعرف مين أكون
بكره ابعد واقول سلام
عشان الحب دائما
للناس عالي المقام
والغدر زي الخيانه
مكروه ايوه وحرام
بلاش خداع وكدب
اقفل كفايه كلام
وارحل عني وروح
سلم قولي سلام
