almasalsharq
Related Articles
التقيت الكتاب فزعا وانا ارتجف ثم التقطته من علي الأرض،قلبت صفحاته بخفة فلم أجد الإ صفحات بيضاء فارغة، فتحته من المقدمة مرة اخري ،اذا بوجه شابه حسناء يظهر ويقترب بإبتسامة عريضة وإذ به يقول لماذا كل هذا الخوف
انتظر لأوضح لك الأمر ،القيت الكتاب مرة
اخري وذهبت ابحث عن هاتفي لأحادث ابنتي نيرة
_ ألو نيرة
= اهلا بابا وحشتني
_ مش وقت وحشتني،تعالي حالا
دلوقت حالا
اوعي تتأخري
= بابا انت كويس
_ لا مش كويس
تعالي حالا بقلك
= حاضر حاضر مسافة السكة بس
_ مستنيكي مع السلامة
= مع السلامة
ولم تمر نصف الساعة حتي حضرت نيرة علي عجالة
_ خير يا بابا، انت كويس،ضغطك عالي ولا ايه ،بتاخد دواك
= أنا ضغطي كويس ،انتي كنتي بتدخلي مكتبة امك؟
_ نادرا جدا يا بابا،ماما كانت رافضة حد يقرب منها
= طيب يوم ما امك ماتت ،كانت بتقرأ في كتاب صح؟
_ ايوا
= تعرفي شكله أو اسمه؟
_ ايوا اعرف شكله،اسمه لا
= يعني لو شفتيه تعرفيه؟
_ ايوا طبعا
= طب تعالي معايا
_ في ايه بس يا بابا
= مش عاوز كلام دلوقت ،اسمعي الكلام وبس
_ حاضر يا بابا
=تعالي ندخل المكتبة
_تبعته نيرة ويظهر علي وجهها علامات الاندهاش حتي وصلا لغرفة المكتبة
= هو دا الكتاب؟
_ ايوا يا بابا هو
= افتحيه
_ حاضر
وفتحت نيرة الكتاب
وظهرت علامات التعجب علي وجهها ونظرت الي أباها وقالت
_ ماله الكتاب ده
= اه هيرحب بيكي ويقلك ازيك يا نيرة
_ يرحب ايه يا بابا الصفح كلها سودة ومفيش اي كلام ولا حاجة باينة
= ايه وريني كدا،ايه ده؟
ايه ده؟ فين الكلام؟
_ بابا مالك بس في ايه
= الكتاب ده كان فيه كلام في الأول بلغات غريبة وبعدها رحب بيا وقالي اهلا بيك يا أدهم في عالم جزيفازا وكان الكتاب كله صفحه بيضا واترعبت ورميته وبعدها
جبته تاني طلعلي وش بنت حلوة بتقلي استني وانا هفهمك فخفت تاني ورميته وجريت عشان اكلمك تجيلي
_ بابا حبيبي تعالي بس اقعد هنا جمبي وسيب الكتاب ده،واضح انك تعبان
= تعبان ايه انتي مفكراني مجنون، أنا زي الفل ،الكتاب ده فيه سر
سر كبير كمان
وانا لازم اعرفه.
