almasalsharq
مقالات مشابهة
انا مش زي أي انسية
علي ظهر الكرة الأرضية
فيا خير كتير وفيا أذية
فيا عيوب كتير وفيا مميزات
فيا الف حاجة مستخبية
ساعات أكون حنونة
زي نسمة ربيع ندية
وساعات تغلبني شروري
وأتملي عِند وأسية
ساعات أتكسر وأضعف
وتسبقني دموع عنيا
وساعات أهزم يأسي
وأبقي شجاعة وقوية
وكل دول أنا وغيرهم كتير فيا
فيا بنوتة جميلة شقية
فيها ألف حدوتة مسلية
وفيا ألف أهه ودمعة مدارية
ومهماوصفوا وكتبوا فيا
كل وصفهم برده قليل عليا
لأني مش زي أي انسية
لأني بنت بلد أصيلة مصرية
