almasalsharq
مقالات مشابهة
صرخ الطفلان في آن واحد وهي تقترب منهما حتي أمسكت بتلابيب يونس وبدأت ترجه وتلطمه بعنف حتي فقد الوعي واستدارت الي خالد وفعلت به ما فعلت بيونس ثم خرجت قليلا و عادت ومعها جركل كبير به مادة صفراء فاتحة اللون وضعته بجوار الباب وغادرت ، وفي لمح البصر عادت اللوحة لطبيعتها وانا جن جنوني وقررت الذهاب الي الجاليري بسرعة البرق للبحث عن مروان
_ سلام عليكم لو سمحت انا عاوزة مروان الرسام
= مش موجود يا فندم
_ انا مش همشي من هنا الا لو خليته يكلمني لو هقعد سنة
= امشي من هنا يا مدام بدل ما اطلبك الشرطة
_ اطلب هقول انك بتبتزني وكنت عاوز تحبسني عندك
= ايه ده يا مدام حد كلمك ولا يعرفك اصلا
_ بقلك انا عاوزة مروان في مسألة حياة أو موت هتقولي علي مكانه ولا اصور لك قتيل هنا
= طيب اهدي اهدي تعالي معايا
وبالفعل مشي أمامي لدقائق حتي وصلنا لمكان يشبه المعرض وكان مروان يجلس في الحديقة علي كرسي هزاز وهيئته مبعثرة للغاية، أصبح كالمشردين اشعث الشعر ورث الثياب وبحالة نفسية يرثي لها
_ مروان جايلك ضيفة
= استاذة فريدة ،ايه جابك هنا
_ ايه كنت متخيل انك هتفضل مستخبي كتير
= ارجوكي ملوش لازمه الكلام ده
_ لاء له العيال بتموت واحنا معرفناش نتصرف ،حتي لما بلغنا عيونها اتصرفت وضيعت كل شيء
= عيونها ايه ؟ مش فاهم حاجة
_ في حد بلغ عتيقة عن ان الداخلية بعتت لها قزم علي انه طفل يتيم وطبعا هي اتصرفت و خلت الداخلية تشوف الي يخليها برئية،
= وبعدين؟
_ انا شفت في اللوحة امبارح يونس وخالد مربوطين علي الحيطة وهي بتعذب فيهم بوحشية ،العيال هتموت زي الي قبلهم يا مروان،حرام عليك لازم تساعدني
= هعمل ايه انا لو اتكلمت هروح ورا الشمس ،أنا لسه خارج من السجن
_ طيب اي حد يقدر يساعدنا ،اي حد،ارجوك يا مروان ارجوك
= خلاص انا هقلك اخر حاجة اعرفها، مفيش غير سعيد
_ سعيد مين
= ابن عم كامل الجنايني
_ ماله ده،بيشتغل في الداخلية
= داخلية ايه،دا طفل عنده ٥ سنين
_ ٥ سنين ؟ ودا هيعمل ايه بقي
= اصبري عليا بس وانا هقلك علي الي هيعمله وبإذن الله هنلحق العيال قبل ما تقتلهم.
