الأن أنا في طريقي للعودة، أشعر بقلق شديد ،ربما لأني سوف أعود للغز الذي لم يحل بعد، أو ربما لأن امي ليست بجواري هذه المرة وانا أواجه سهي وحسام ،أو ربما السببين معا وأنا لا ادري.
بمجرد وصولي الي المنزل كان المكان مكتظا بالشرطة ،عند دخولي من البوابة الرئيسية تم سؤالي عن هويتي من احد الضباط
لو سمحتي حضرتك طالعة لمين ؟ = شقتي يا فندم البطاقة لو سمحتي؟
= اتفضل
_ استاذة فريدة، حضرتك ساكنة في اي دور ؟
= الخامس يا فندم
_ الخامس ؟ شقه كام ؟
= ١٣
_ طيب هنعمل لحضرتك جواب استدعاء لسماع أقوال بخصوص جريمة قتل
=قتل ؟ حسام وسهي
_ لا يا استاذة ،هتعرفي كل التفاصيل لما تحضري في النيابة،بعد اذنك
وانصرف الضابط وانافي حيرة من الذي قُتل؟ فحاولت البحث عن بواب العمارة أو زوجته ولكن لم اجدهم فصعدت الي شقتي وجدت باب شقة ١٢ مفتوح ورجال الشرطة بالداخل ومعهم البواب،فانتظرت خروجهم واوقفته لسؤاله
_ ازيك ياعم سعيد
=استاذة فريدة حمد لله علي السلامة
_ ايه الي بيحصل مين اتقتل
= دا يا ستي واحد كان بيشتغل عند محسن بيه زمان وهو متهم في قتله لانه مات وهو معاه في الاوضة وسابه وهرب
_ مات وهو معاه في الاوضة؟ تفتكر قتله؟
= الله اعلم،اهو الشرطة بتدور عليه في كل مكان
ضابط تحت قالي ان هيطلبوني في النيابة عشان يسمعوا أقوالي = وانا كمان قالولي كدا،ربنا يستر طيب هسيبك انا بقي واروح ارتاح
= اتفضلي يا استاذة
دخلت إلي شقتي وبمجرد انتهائي من ترتيب اغراضي وجدت حسام أمامي في الغرفة
_ حمد لله علي السلامة يا فريدة
=سلام قول من رب رحيم،هو انت مش هتبطل عمايلك دي
_ هبطل ازاي هكلمك اقلك اني جاي
= عندك حق، هتقلي ازاي صحيح المهم كويس انك جيت ،مين اللي مات وفي ايه؟
- انا هقلك بس دي اخر مرة هجيلك اساسا ،انتي الي هتحلي كل شيء انا هحكيلك كل الي اعرفه وانتي هتتصرفي
= طيب قول وربنا يكرمني واقدر أعمل حاجة تفيدك
_ عمي متهم في قتل محمود دا كان بيشتغل عنده من سنين وسابه ، أنا معرفش ليه سهي عملت كدا
= عملت ايه سهي؟
_ سهي دخلت في جسم محمود وخلته خنق نفسه بإيديه قدام عمي ،معرفش ايه بينها وبين محمود ده دي كانت بتطارده في كل حته، وطبعا عمي هو الي كان معاه فطبيعي انه هيتقال انه هو الي قتله
= يعني دلوقت عمك لبس الجريمة خلاص
_ لا الطب الشرعي هيظهر الحقيقة
= طيب امال انتا عاوز مني انا ايه؟
_ انا هدلك علي المكان الي عمي مستخبي فيه ،الشرطة اصلا هتعملك جواب استدعاء ،لما تروحي هتقوليهم علي المكان بس قولي انك كنتي تعرفي عمي وانه جابلك سيرة المخزن المهجور ده انه بيحب يقعد فيه لوحده فاحتمال يكون مستخبي فيه،الشرطة هتدور ورا كلامك وهتروح وتقبض عليه
= طيب مش انتا بتقول ان عمك مقتلكوش عاوزه يتقبض عليه ليه؟
_ سهي مصممه انه هو السبب ومعاه محمود عشان كدا بنتقم منهم وانا لازم اعرف الحقيقه
= حاضر هات عنوان المخزن
_ امسكي ورقة وقلم واكتبي وهقلك المكان بالضبط
وفعلا أخبرني مكان المخزن وبعد يومان وصلني استدعاء النيابة وجاء موعد ظهور الحقيقة كاملة.
