almasalsharq
مقالات مشابهة
امتلأ المكان بالدخان وبدأت فطيمة تستدعي روح حسام للحضور وماهي الا دقائق حتي وصل حسام ودخل في جسد فطيمة ،أدارت وجهها صوبي وهي غاضبة وقالت بصوت حسام
ايه يا سهي عملالي جلسة تحضير أرواح، انتي مفكرة الاستدعاء دا حاجة سهلة عشان تعمليه، كان ممكن يجيلك روح شيطان بدل مني تهد البيت علي دماغك ،هزار دا ولا ايه؟ = انا متاسفة يا حسام،بس حاولت اندهلك كتير وانتا مظهرتش تندهيلي ايه ،
هو انا في الشقة الي جمبك بجد هو انتي مفكراها سهلة اني اجيلك ،أنا روح ،طيب عاوزه ايه دلوقت؟
= عاوزة اعرف ايه الي حصل انت كنت بتحكيلي وفجأة اختفيت
_ عاوزة تعرفي ايه بالضبط؟
= مين الي قتلكوا؟
_ محدش قتلنا ،احنا متنا في حادثة عربية ،الفرامل سابت مني ،فوقعت بينا العربية في البحر
= طب امال انتوا قاعدين في الشقة ليه؟ ليه معذبين كدا
_ سهي هي كل المشكلة،اول ما عملنا الحادثة سهي ماتت قبلي وانا فضلت في العناية فترة ،روحها فضلت جمب مني بتعذب فيا بشكل بشع وأما روحي طلعت رفضت مغادرتها وحبستني معاها وبتقول أن عمي سبب الحادثة واننا لازم ننتقم
= طيب هو انت وسهي كان بينكوا خلافات قبل الوفاة
_ ياه كان فيه مصايب انا هحكيلك بسرعة ،بابا كتبلي كل املاكه بيع وشراء زي ما عمل جدي بالضبط معاه لان سهي طالعة لعمي، مسرفة ومستهترة وبمجرد وفاة بابا ومعرفة سهي انها مش هتاخد ورثها ،رفعت عليا كذا قضية في المحكمة وطردتني من الشقة حتي العربية كانت عاوزاها وانا رفضت اسبها لها وبقي كل كلامنا زعيق وخناق وكانت بتطلب فلوس رهيبة لدرجة اني مكنتش عارف اجيب لها كل دا منين
= يعني انت كنت في خلاف مع عمك ومع سهي
_ ايوا بس سهي وعمي اتفقوا بقى سوا وكانوا علي طول مع بعض لدرجة انه جه عاش معاها في الشقة ،عشان يحميها مني
=وبعدين ايه حصل
الوقت خلص يا سهي لازم أغادر جسم فطيمة والا هتتأذي وانتفضت فطيمة وشهقت بصوت مدوي ثم سقطت علي الارض مغشيا عليها ، وماهي الا ثوان وعاد لها الوعي من تلقاء نفسها قبل أن نتحرك ونساعدها، أحضرت لها كوب من الماء فرفضت ان تشربه ثم قالت حسام ده ميعرفش حاجة دا ضحية ،سهي هي الي تعرف كل شيء.
وعلي الجانب الاخر
جهز محسن ليوسف ثمن الشقة وقابله واعطاها له ثم اتصل بمحمود لمقابلته
_ ايوا يا محمود انا عاوزك تقابلني ضروري
= عنيا يا استاذ محسن ساعتين وابقي عندك
وفعلا جاء الي مكتب محسن في الوقت المحدد
_ ازيك يا استاذ محسن خير في ايه؟
= مش عارف اقلك بخير ،أنا هقفل الشقة دي وخلاص ومش مهم تتباع أو تتأجر المهم نعيش مرتاحين،أنا رجعت ليوسف فلوسه خلاص
_ يعني تفتكر لو قفلتها وبس كدا أرواحهم هتهدى
= مفيش حل تاني قدامي، أنا خلاص تعبت
_ طيب يا استاذ محسن الي انت شايفه انا هستاذنك ورايا مشواير كتيرة
ولم تمر لحظة حتي أغلق الباب من الخارج وأغلق نور الغرفة وسمع محسن ومحمود سهي وهي تقول
علي فين يا محمود ،كدا تمشي قبل ما تاخد واجبك.
