almasalsharq
مقالات مشابهة
مر يومان ولم اذق فيهما طعم النوم ولو لدقائق،حقا الانتظار شيء مقيت، لم يظهر حسام في موعده ،بدأت اخاطبه كالمختلة وادعوه للحضور ولكن دون جدوى وبعد معاناة حضر النوم أخيرا ودخلت في سُبات عميق، ولكنه لم يتركني زارني في منامي
_ فريدة حاسبي وخلي بالك من نفسك
استيقظت فزعة وانا اردد أحاسب من ايه يا حسام ، في ايه
وما هي إلا لحظات ووجدت سهي تقف أمامي في منتصف الغرفة وعيناها تضيئان مدينة بأكملها
استجمعت شجاعتي
وخاطبتها
سهي ازيك =عاوزه ايه يا فريدة تجمدت الكلمات في حلقي من هيئتها المرعبة هذه المرة فعادت جملتها بعصبية =عاوزه ايه يا فريدة هعوز ايه يا سهي ،مش عاوزة حاجه،هو في ايه؟
لم تجيبني علي سؤالي واختفت في لمح البصر وجلست أحدث نفسي
يعني انا جيت هنا ارتاح ،ألاقي جنان مستنيني،الشقة دي حكايتها ايه وحسام جه يحذرني من ايه ؟
طب ليه سهي طلعتي كدا ؟
وهو ليه مجاش يحكيلي تكملة كلامه؟
أنا مبقتش فاهمة حاجه خالص
بدأت افقد توازني ،نوم قليل ،افكار مبعثرة وأطياف تظهر وتختفي انه شيء يدعو للجنون فقررت الذهاب الي طبيب نفسي فنصحني بترك للمكان فورا لفترة واعطاني بعض العقاقير المهدئة، أخدت اجازة من العمل وسافرت الي عائلتي في المملكة وقررت أن لا أتحدث في هذا الموضوع ابدا حتي أهدأ وتستقر حالتي
اما عن استاذ محسن
فقد تمت البيعة واستلمها صديقة يوسف وجهزها وبدأ العمل بها وفي اليوم التالي ورده اتصال هاتفي واجاب وهو غاضب
_ آلو جري ايه يا محمود قاعد ترن عليا ولا ميت مرة ليه؟
= ازيك يا عمنا
_ ايه عمنا دي ،اتكلم كويس يا محمود
= اسف يا استاذ معلش المقامات محفوظة
_ عاوز ايه يا محمود بتتصل ليه كل دا؟
= حقي يا استاذ ،مش الشقة اتباعت أخيرا
_ حقك ايه هو انت ليك حقوق عندي
= طبعا ليه أكبر حق ولا نسيت أنا عملت عشانك ايه
_ بقلك ايه بلاش الكلام الفارغ ده انت خدت حسابك وانتهينا
= مين قال إنه انتهينا محصلش
_ يعني ايه بقي
= يعني عاوز نص تمن الشقة
_ ايه انت اتجننت
= لا متتجننتش،اصلي نسيت اقلك انا معايا نسخة ،عاينها معايا لوقت عوزة وبصراحة بقي سميرة مراتي بنقول انها بتسمع همس في الشقة باين ولاد اخوك بيطلعوا عندي انا كمان ولازم يناموا مرتاحين في تربتهم
= يعني انتا لو خدت نص فلوس الشقة كدا هيناموا مرتاحين
_ طبعا، وهنطلعلهم منها لله هعملهم كولدير ،اهو صدقة برده،ولا انت رايك ايه؟
_ انت حرامي ونصاب
= طب وليه الغلط بس يا استاذ ،ما الطيب احسن
انت خليت فيها طيب ،عاوز تاخد نص تمن الشقة بحاله وتقلي طيب = والله هو دا الي عندي، يا أما هريح الغلابة بقي في تربتهم واتكلم وربنا يرحم موتاك يا استاذ طيب سبني افكر وارد عليك
= ماشي عنيا ليك يا استاذ بس اوعي تتاخر،اصل العيال صعبانه عليا قوي ونفسي اريحهم في نومتهم
_ طيب طيب سلام دلوقت
أغلق الهاتف ولم تمر دقيقتان حتي ورده اتصال اخر من صديقه يوسف
محسن تعالى حالا الشركة = في ايه حصل؟ تعالي بقلك حالا وبس وأغلق الهاتف
انطلقت الي الشقة بسرعة البرق وبمجرد دخولي وجدت آثار دماء علي الجدران في كل مكان وصديقي يوسف ينظر نحوي بغضب عارم ثم قال
عشان كدا بعتلي الشقة بالسعر ده، الكلام بجد والشقة مسكونة = شقة ايه الي مسكونة يا يوسف ،يا اخي شغل قرآن والموضوع هينتهي هو ايه الي ينتهي،القرآن شغال باعلي صوت وفي كل وقت وانتا سامعه اهو ،انت عملت ايه في ولاد اخوك يا محسن
= انت اتجننت يا يوسف هعمل ايه يعني ،دول زي ولادي ،حبايبي الله يرحمهم ،أنا مالي ومال موتهم
امال ايه ده ايه الي بيحصل = انا اعرف منين ،تلاقيه جن تاني وسكن المكان ،نجيب شيخ يطرده طيب أتصرف بقي انا مش داخل المكان ده الا وهو امان والا ترجعلي كل فلوسي
= فلوسك ايه ،هو احنا بنهزر ،أنا صرفت نصهم اصلا
_ مليش دعوة بالكلام ده،يا اما تطلع العفاريت دي من هنا يا أما ترجعلي فلوسي ،قدامك اسبوع وبس
تركني في الشقة وانصرف وانا أشاهد الدماء من حولي، تكسوا كل شبر حتي الأركان، منظر تقشعر له الأبدان ، ما الحل؟ كيف اخرج الاطياف ؟ هل اعطي لمحمود نصف المبلغ ؟ ام اعيد ليوسف ثمن الشقة واستردها ،ام هل يوجد حل اخر لا أعرفه ولابد ان ابحث عنه.
منتظره الجزء اللي جاي