almasalsharq
مقالات مشابهة
عيون القلب تنده لك
تقول يا حبيبي مقدرشي
على بعدك ولا هجرك
نجوم الليل بتشتاق لك
تنادي عليك ياقمري امتى نتلاقى
عيون سهرانه تضحك لك
وتنظرلك
بنظرة شوق بتبعتلك
وتوصف لك مدى حبي
وتبعت لك كتيير سلامات
وتمسح عن عنيك دمعه
بورداتي وشفايف شوق
بتطبع لك
على خدك رسالة دليل على حبي
ياعمر اداني منناني ووراني
سقاني الشهد فى حبك
رسايل حب وخداني وشايلاني
ولو بصيت لسحر العين ونظرتها
هتعرف إني مليانه غرام وأشواق
يا عشق الروح وحب هيام ودنيتها
وكل العمر والغالي
بيرخص لك
وقلبي براح فرشته لك دا ليك وحدك
وأنا عارفة مدى صدقك
أنا مش عايزه غير قلبك
ويكفيني أكون جنبك
وإحساسي وانا وياك
بتهمس لي أكون حلمك
وأتمنى أنول الود فى قربك
أنا نفسي أقول للدنيا تسمعني
بحبه ياناس ويمنعني بحور سرك
تعالى نعيش ونتحدى
سنين الفرقه وحدينا
دا انا عمري معاك له طعم لون تاني
قطعت بحور وعدتها
لسكة صعبه أنا مشيتها
عشان ماأوصل لمرساتك
بنيت لي موجه تحميني على شطك
زرعت الشوق علي برك
لقيت الروح بتتزهر بأنفاسك
ملكت جوارحي غرقني
طوفان حبك
÷÷÷÷÷
