almasalsharq
مقالات مشابهة
بقى معقولة العيل ده يجيله مرض نفسي ؟
طيب ليه ؟ المصاصة طلع طعمها مش حلو مثلا ؟ ، ولا حصلتله Truma لما لعبته اتكسرت ؟
النوع ده من الآباء أو الكبار عموما اللي بيتجاهل فكرة وجود مشاعر واحساسيس عند العيال الصغيرة بيكون هو سبب أساسه بجهله في المعاناة النفسية للأطفال
وعمنا سيجموند فرويد بيقول
.. ان اي صراع نفسي بيمر به الفرد وهو كبير بيكون له أساس في الطفولة
مش معنى ان انت مش شايف حاجة تضايق في حياة ابنك انه حياته زي الفل ، انت مش شايف في ايه جواه ، ومش شايف المواقف زي ما هو شايفها
وساعات كتير بيكون في تغيير في سلوك الطفل يعتبر مؤشر قوي على وجود أزمة نفسية ، لكن لأننا مش عارفين انواع الازمات النفسية عند الاطفال ممكن ندي اي تفسيرات سطحية تخلينا نعدي الموقف ومانركزش معاه.
معرفة الاضطرابات النفسية عند الأطفال مهم جدا لكل أخصائي نفسي او اجتماعي أو مدرس او اي حد بيتعامل مع الأطفال ، لأن بايدينا اننا نحمي طفل من الوقوع في فخ المرض النفسي
ومش بس بتحمي طفل ، انت بتحمي الطفل وأسرته الحالية واسرته المستقبلية ..
ببساطة انت بتحمي المجتمع كله
كمان أولياء الأمور مهم جدا انهم يكونوا على علم ودراية بالاضطرابات النفسي عند الاطفال وأعراضها علشان يقدروا يقيموا الموقف صح ويطلبو المساعدة في الوقت المناسب
نقدر نلخص كل الكلام ده في الـ 3 أسئلة دول
هل الأطفال يصابون بالمرض النفسي ؟
الاجابة : نعم
هل يصابون بنفس الأمراض التي يصاب بها الكبار ؟
الاجابة : نعم
هل تظهر عليهم نفس الأعراض ؟
الاجابة : لا
