almasalsharq
مقالات مشابهة
الناس يؤذون بعضهم البعض بقدر النقص الموجود لديهم.
يعنى ايه الكلام ده
يعنى لو مختش بالك حد ونظفت جواك اول باول سواء من الاذى الواقع عليك او من العقد الى سببها لك بعض المواقف
هتصاب بعقد نفسيه تؤدى الى انك بتكون محتاج تاذى الناس ذى ما انت اتاذيت
لانك حاسس انك اتظلمت واداس عليك “اعتزل ما يؤذيك
اعتزله حتى لو كان الأذى لحظة !
سيدنا عمر بن الخطاب رضي الله عنه وأرضاه قال
” اعتزل مايؤذيك ” ..
مقالش أستحمّلْه !!
مقالش استحمل الشخص اللى بيصحى من نومه يفكر ازاى يضايقك ويضغط على أعصابك ويحرق دمك ..مقالش استحمل اللى مستكتر عليك نعم ربنا وقلبه كله سواد من ناحيتك…مقالش استحمل اللى عايز يأذيك فى شغلك وفى حياتك وطول الوقت بيهدد سلامك النفسى
الشخص المؤذى مش بيحس انه مؤذى وبيضر اللى حواليه ده هتلاقيه كمان طول الوقت واهم نفسه بأنه أحسن واحد وعايش فى دور ان الناس كلها بتأذيه ومظلوم ومقهور
الشخص المؤذي فعلًا مؤذى لانه عارف انت كنت بتعمل أيه من أجله ومن أجل وجوده ورغم دا لم يترك مجال لذره عوده أغلق كل الابواب بالسواد والكرهه الموجود داخله
فأنت مش مطلوب منك تستنى لما يتغير او يغير من طباعه السيئه اللى كلها شر واذى
ابعد واعتزل ما يؤذيك
لكن مش،كل الناس كده
لان فى ناس لما تتعرض لاذى نفسى بتتجنب توقع الناس فيه وقد يحظروا ايضا كل الناس انها تقع فى هذه الغلطات وتتاذى منها
اذن من يوقع الناس فى الاذى كما وقع هو فيه
فهذا انسان يشعر بالنقص والدونيه وبمقدار هذا النقص يآذى الاخر
طيب الحل هنا ايه
الحل ان الانسان المؤذى يتصالح مع نفسه ويدور على الاسباب الى بتوقعه فى الاذى ويبعد عنها ويشتغل على نفسه شويه ويسيبه من الناس الى حوليه خالص
وعندما يجد نفسه بيحب الاخر وبيحاول يبعد الاذى عنه يعرف هنا انه تعافى من تاثير الاذى النفسى عليه
الموضوع مش صعب ولكن محتاج صبر ومصابره محتاج قعده مع الذات ونسالها كام سؤال
انت تعبانه من ايه ؟
ايه المواقف الى بتتعبك لما بتفتكريها ؟
ايه تاثير هذه المواقف عليكى ؟
ماهى اسباب حدوث هذه المواقف واشمعنا حصلت معى انا بالذات ؟
ازى اخرج من هذه الازمه النفسيه واصلح ما افسدته هذه العقد عندى ؟
نجاوب على الاسئله دى بامانه دون اسقاط اى تهمه على الاخر حتى لانخرج من الجلسه بلاشئ
مقدرتش تخرج من الاذى النفسى اذهب لمعالج نفسى وده مش عيب ولا غلط لان المعالج النفسى زيه زى اى طبيب بنروح ليه نتعالج ومش بيقلل منا شئ
