almasalsharq
مقالات مشابهة
… ما أجمل طعم النجاح بعد التعب وسهرالليالى ..ما اجمل لمعه العيون من الفرحه بالنجاح ولكن لو فشلت فى ثانوية عامة او جبت مجموع وحش ده مش معناه ان مستقبلك ضاع اولا استودع مستقبلك واحلامك فى ودائع الله وفى حفظه وأبدا من جديد يا بطل وذاكر وانجح وحقق حلمك .كل اللى حواليك بيحبوك وهيساندوك وهيقفوا جنبك ويدعموك…بس لازم تكون واثق ان الله لا يضيع اجر من أحسن عملا وانك قصرت ولكن هتحاول تانى وتقف على رجلك وتنجح وتثبت انك تقدر بإذن الله تحقق حلمك..
الثانوية العامة مش هى معيار النجاح فى المستقبل المهنى بدليل ان
اكثر من %50 من الخريجين مبيشتغلوش فى مجال دراستهم,
6 خطوات هيخلوك تحقق اللى انت عايزه بغض النظر انت درست ايه او شهادتك ايه عن طريق الاتى:
1- حدد هدفك واجرى ورا اللى بتحبه:
متحددش مستقبلك على اساس مجموعك واعرف انت عايز ايه بالظبط وايه المجال اللى نفسك تشتغل فيه بعد كده وشايف انك بتحبه وشغوف بيه جدااا
2- اعرف اكتر عن هدفك:
لازم تجمع معلومات اكتر عن المجال اللى نفسك تشتغل فيه وايه احتياجاته وازاى تبقى من المميزين فى المجال ده وايه اكتر حاجات لازم تتعلمها وتتقنها عشان تنجح فيه
3- جرب بنفسك:
متفوتش فرصة الا لما تطبق فيها كل حاجة اتعلمتها بشكل عملى ومتكتفيش بالقراءه والمذاكرة عن مجالك واشتغل بأيدك اكتر.
4- اشتغل على نفسك:
مهارتك ومؤهلاتك هى اللى هتحدد نجاحك او فشلك فى حياتك المهنية فا مضيعش وقت واشتغل على نفسك من دلوقتى واتعلم اساسيات تتعلم عليها اى مجال
6- اشتغل او اتطوع فى وقت فراغك:
لو جاتلك فرصة شغل او تطوع فى الاجازة حتى لو بسيطة مضيعهاش كل شغلانة هتشتغلها او فرصة تطوع هضيفلك حاجة وهتاخد منها خبرة هتفيدك لبقية حياتك كلها
- يعنى مجموع الثانوية العامة مش هو نهاية الكون او معيار النجاح لمستقبلك.
- متجريش ورا الالقاب او الفلوس لانك لو بتحب اللى بتعمله ..الفلوس والشهرة هتيجى لحد عندك
- اهتم بالعلم اكتر من الشهادة لان فهمك وشطارتك لاى حاجة هو الاثبات الحقيقى لمستواك مش شهادتك.
الثانوية العامة اسطورة احنا اللى كبرناها وعملنا منها وحش بنخوف بيه نفسنا والاجيال اللى جاية والحقيقة ان مستقبلك فى ايدك انت بتعبك ومجهودك مش بمجموعك بس
اتمنى الكلام ده يقراه كل طالب قى ثانوية عامة او كل واحد شايف ان حياته وقفت عند مجموعه
مستقبلك ونجاحك اكبر من مجرد مجموع درجات
مستقبلك فى انك تتوكل على الله وتعمل الحاجة اللى بتحبها وتسعى انك تكون احسن واحد فيها
