almasalsharq
مقالات مشابهة
♦يعني ايه اكتئاب عند الاطفال ؟!
هو الاطفال بيجلهم اكتئاب ؟!
طيب اعراض الاكتئاب عند الاطفال زي الكبار ولا في اختلاف ؟!
ازاي الام تعرف ان ابنها عنده اكتئاب وازاي ممكن تساعده ؟!
اوقات كثير بنلاقي الطفل بيشتكي من شكاوى جسدية زي طول الوقت عنده صداع _ شعور بالقيء او الغثيان _ تبول لاارادي _ الام في البطن _ فقدان الشهية او زيادتها _ طول اليوم بياكل او كل ما يتضايق يروح ياكل _ فقدان الاستمتاع _ بيفضل العزلة ومش عاوز يخرج من البيت ولا يلعب مع حد _ الغضب بسرعة لمواقف بسيطة _ حزن وبكاء من غير سبب _ سؤال متكرر عن الموت _ او نلاقيه مش بيركز في المذاكرة وطول الوقت سرحان _ ودي مكنتش طبيعته
المهم ان الام لما بتلاحظ عليه اي اعراض بتاخده للدكتور وتكشف عليه _ وتلاقي الدكتور يقولها ان الطفل سليم _
هنا الام تقول ان ابنها كان بيكذب عليها عشان يهرب من النزول للمدرسة او يهرب من حل الواجب او مقابلة شخص محدد
الطفل مش بيكون بيكذب .. الطفل بيكون عنده مشكلة من السلوك الي بيتجنبه _ لو بيهرب من المدرسة يبقى اكيد عنده مشكلة مش عارف يعبر عنها
ممكن الاولاد بيضربوه او بيتريقوا عليه او بيستضعفوه او عنده مشكلة مع حد من المدرسين في المدرسة _ ممكن يكون عصبي او بيعاقب بشدة
هنا من خلال الاعراض الجسدية للطفل الي ملهاش سبب عضوي _ الطفل بيقولك بشكل غير مباشر انا عندي مشكلة
على الام البحث عن سبب المشكلة _ هل جو البيت كله توتر وخناقات ومشاكل ؟ ولا المشكلة في المدرسة ؟ ولا المشكلة في شخصية الطفل ؟
هنا الام محتاجة تلجأ لطبيب نفسي يساعدها في تقيم الطفل ومساعدته على التخلص من المشاكل الي بيعاني منها ومساعدة الام ازاي تتعامل مع ابنها في الفترة دى
🙋♀️ تحياتى 🙋♀️
