almasalsharq
مقالات مشابهة
وديتي يادنيا فين عمرنا
سنه وراها سنه وضيعتيه مننا
من كام سنه كنا لسه شباب
متجمعين وحوالينا الأحباب
وراحوا اللي كانوا غاليين عندنا
خدتيهم ليه يادنيا غصب عننا
وسرقتي السنين كمان مننا
وصبح يادوب عمرنا شوية ذكريات
والعمر عدي مننا وبسرعه فات
آن الأوآن نفتكر ايامنا الحلوه ونبكي
ومنك يادنيا دي الوقتي قاعدين نشكي
علي اجمل أيام سرقتيها إنتي والزمان
واحنا لسه جوانا كتير احلام
وجوانا قلوب لسه مليانه حنين وحنان
وآه منك يادنيا وديتي فين عمرنا
وفين الحبايب اللي كانوا قريبين مننا
والليل صبح قاسي علينا
وغصب عننا ساعاته مابقتش لنا
تغذبنا وتجرحنا وتفوت بين الفكر والحيره
وبين ذكريات شبابنا وضعفنا
واللي فاضل مننا يادوب ندم وغيره
وكل ليله دموعنا مابتفارقنا
لما نفتكر شريط ذكرياتنا
ونرجع بيها لحد سنين طفولتنا
ونحس بيها كإنها كانت من كام يوم
وضاعت مننا واحنا كإننا تايهيين في النوم
والسنين الحلوه عدت ومعاها الأفراح
واللي باقي منها يادوب النوآح
واللي راح مننا يادنيا راح
وعمره مايرجع تاني اللي راح
وياقلوب جوانا ومليانه حنيه
حسوا بينا وإهدو علينا شويه
ليه بتفكرونا بالأيام والليالي
بعد ماضاعت مننا وإحنا بنجري ورا الدنيا
ونصيحه مني لكل الحبايب
خلوا لحياتكم من السعاده نايب
وإتهنوا بايامكم ولياليكم قبل الندم
واوعوا الدنيا تخدعكم وعمركم يبقي هو التمن
حقوق النشر محفوظة
