almasalsharq
Related Articles
القهوه اساس عند ناس كثير مننا مين ما بيحبش القهوه باشكالها كلها
اللي بيشربها تركي واللي بيحبها لاتيه واللي من عشاق القهوه المجففه النسكافيه وحبيب ناس كثير الاسبريسو و الامريكان كوفي
محبي القهوه اهتموا جدا بالمقال ده
طيب القهوه صحيه ولا لا
انا بشربها واتعب جدا
ماقدرش اكمل يومي من غيرها
كلنا اكيد سمعنا الكلام ده من اصدقائنا واقاربنا او حتى نفسنا
القهوه من المشروبات الصحيه بس حسب الطريقه اللي بنعملها بها
القهوه لو شربتها بدون اضافات هتبقى مشروب صحي ومفيد ولو بلبن هتكون صحيه جدا
طب امتى تكون غير صحيه؟
هتكون غير صحيه لما تبقي مضاف لها نكهات تحتوي على مبيضات او كريمر وكده خرجت بره دائره الصحه واصبحت مضره جدا طيب اعرف ازاي ان القهوه دي صحيه و لو في مكان غير البيت اعرف ازاي؟
لازم تسال عن الاضافات وفي الاغلب كل الكافيهات حاليا بتكون القهوه مضاف لها مبيضات لتحسين الشكل والطعم فلو كان ضروري تشرب قهوه بره البيت حاول تكون قهوه تركي او قهوه اسبريسو بدون اضافات
طيب انا مريض قلب ينفع اشرب قهوه؟
ايوه ينفع بس ما تكثرش لان القهوه بتزود ضربات القلب يعني تشرب كوب واحد فقط خلال اليوم وهكذا مريض الضغط العالي وفي حاله الضغط المنخفض يفضل عدم شربها لحد ما تظبط الضغط
وفي العموم يجب علينا كلنا مرضى او اصحاء مانزودش عن 400 مللي جرام من الكافيين خلال اليوم
ودمتم اصحاء
