almasalsharq
مقالات مشابهة
( )
لما سحروني وخدوني عنيك
حبيتك وما طمرش فيك
وعلى اد ماإديتك من عطفي وحناني
لقيتك ظلمتني وطلعت أناني
ورغم كل عذابي مش قادر علي كُرهك
وكل مااهرب من قسوتك وظلمك
أفتكر عيونك يوحشوني أرجع تاني واشتاقلك
واسهر الليالي ابكي علي حالي
وسامع جوايا أنين قلبي وصرخة احلامي
واهرب من حبك عيونك تحاصرني
وعشان قلبي شاريك ومتمسك بيك القاك ظالمني
ويفضل حبي ليك هو اللي كاسرني
ليه احبك واعيش ضحيه
وليه أسامحك تعمل كده فيا
وافضل بين حيرتي وناري
اعيش واتحمل مراري
ولاَّ اندم عشان أسأت إختياري
وافضل اعاني ليلي ونهاري
ليه للي أحبه آسي وأناني
واعمل ايه في ذكرياتي
واروح فين من وجعي وآهاتي
وجرحك ليا خلاص خلاني
كرهت لياليك وكل أيامي
اللي كتبتها العشره عليك وعليا
وانا اللي ياما سامحتك علي غدرك ليا
وانت ولا يوم فرحت قلبي وحنيت عليا
مكتوب عليا عشان طيبة قلبي اتحرم من الحنيه
والحبيب اللي اتمنيته مااشوف منه غير القسيه
خواطر ( اشرف الدغيدي)
حقوق النشر محفوظة
