almasalsharq
Related Articles
ليه الود بيني وبينك حبيبي يغيب ويختفي
وشموع المحبه اللي كانت منوره عِشِّنَا تحزن علينا وتنطفي
قولوا لحبيبي يرجع لعشه أوام ولحضني يعود
وقولولوا بلاش يقسي عليا وينسي إللي بيني وبينه من وعود
أنا وقلبي لسه باقين علي حبه وما نسينا ولا يوم العهود
وقولولوا الشوق والحنين إليه عدى كل الحدود
هو ينفع ياحبيبي تكون ساكن في قلبي وقريب
وروحي عاشقه روحك وإنت ليا أغلي حبيب
وتفضل بعيد عني وكل واحد مننا عايش غريب
ده بعدك عني ياحبيبي عذابه نار
وشاغل فكري وبالي وقلبي منه احتار
وبعدك عني صعب عليا وخلاَّ عقلي مني طار
ياحبيبي عيني تعبانه من كتر السهر
وليلاتي بتشكي منك للنجوم والقمر
دآ قلبي من كتر الشوق والحنين ليك دوبه الإنتظار
وليل ونهار ياحبيبي شاربه في بُعادك الويل والمرار
ماهو حبك ياعمري كان نصيبي
وإنكتب عليا قدر وبقيت حبيبي
وهواك ماكنش ليا فيه أي اختيار
ياتري ياحبيبي مشتاق ليا زي ما أنا وقلبي ليك مشتاقين
وعيونك بتسهر الليل كله زي عيني ومبكيها الحنين
وقلبك مشغول بيا وبيفكر فيا ليل ونهار
وياتري ياحبيبي بتحن لليالي هوايا وانت عني بعيد
ومشتاق للكلام ويايا وعايش من غيري مش سعيد
ولا نسيت هوايا وقاسيت عليا وبعدك عني مش فارقه معاك
إسأل عليا وتعالى أوام مشتاقه أكون وياك
لو لسه في قلبك ليا ياحبيبي شوية حنيه
ولو كنت باقي على حب السنين بيني وبينك ولليالي الهنيه
تعالي ياحبيبي أوام وبلاش قسيه
