almasalsharq
Related Articles
**1**بتوحشنى وانا معاها
وسكنانى وسكناها
ولو فتشت فى قلبى
تشوفها قاعده حواه
تهدهدنى بأناملها
وتروينى بحنان نيلها
تنورلى بأناديلها
وانا فى صلاتى بدعى لها
نهايتى تبقى وياها
============
**2**باحبها حب مالو حدود
ولو شرقت او غربت
بأمن ليها قوام واعود
أشوفها واقفه وسط الطل
بشوق لرجعتى بيذيد
أجرى عليها بحبى
ماأنا بحبها قلبى عنيد
بتشجينى بحنان صوتها
وبدعى المولى يحرسها
ومهما ابعد بعيد عنك
راجع بشوق لاحضانك
============
**3 **عرقها يفيض
وتحضنى بضمه أيد
اشم عرقها مسك وعود
ريحان وورود
اعاتبها تعتبنى
تقول بعدك بيتعبنى
وياما سهرت
اقول خوفك يعذبنى
وادينى كبرت
تقول اسكت ماتتكلمش
دا مهما كبرت ولا طولت
حتى لو انحني العود
باشوفك لسه مولود
===========
**4**اضمك او تضمينى
وأقول اّه وحشتينى
واقول بعدك على عينى
ياست الكل يامايا
دا انتى سعدى وهنايا
ومهما ابعد بعيد عنك
انتى اللى سكنه جوايا
=============
