almasalsharq
مقالات مشابهة
ا
أحياناً الأمهات بتتعامل بأسلوب خاطئ (وقت الغضب للطفل)
تعالوا نشوف كدا واحنا فى وقت عصبية وغضب لو حد اتكلم معانا بعصبية… فبالظبط بتكون زى انك بتسكب بنزين على نار قايدة….وقتها بنكون محتاجين حد يهدينا ويطمنا.
فالطفل بني آدم بيكون محتاج زينا بالظبط “الحضن ، التفهم ، التواصل ، الهدوء مش النقيض اللى هو الزعيق…❤️
يفضل تكون كلماتك وأسلوبك يهدوا الطفل مش كلمات تهددوا وتزود غضبه ، وللمعلومه أن الطفل اللى بيغضب بسرعه السبب ممته أو القائمين على تربيته ، أنهم عودوة انه يستخدم الأسلوب دا لأي حاجه بيحتاجها ، فهو بيعرف ان دا نقطة ضعفك انه يغضب ويصرخ علشان يتعمل له اللى هو عاوزة ، فالمطلوب هو الصبر لحد ما السلوك دا يتعدل.
ضروري تعرف انه طفل يعنى بيعبر عن نفسه بالعياط وكمان لسه معندوش تحكم فى انفعالاته وانه فى الفترة دى مطلوب من الأم والأب يدربوا الطفل على ضبط انفعالاته ، ودا مش هيحصل إلا و الأم والأب متدربة كويس على ضبط انفعالاتها .
لو طفلك ذكر متقوليلوش الراجل مش بيعيط لأن دا غلط ، احنا بشر وبنحتاج اننا نعبر عن مشاعرنا.
أحياناً بنحتاح نستخدم التجاهل بس دا بنستخدمه لو الطفل بيصرخ ويعيط علشان يلفت انتباهنا .
الطفل العصبي لديه أم أو أب عصبيين .
الطفل اللى بيغضب كتير يا إما متدلع أوى أو اهله بيتعصبوا عليه أوى.
ساعد ابنك انه يتعرف على مشاعرة وانه يستخدم tools علشان يهدئ من نفسه زى stress ball او يغسل وجهه ، يستخدم count 1234 .
طول مانت قادر تضبط انفعالاتك مع طفلك ، هو كمان هيقدر يضبط انفعالاته ❤️
