حسيت بالحب وعيشته معاكي
وقلبي سعيد فرحان بهواكي
ماهو انتي الحب اللي اتمنينه
وانتي الحلم اللي استنيته
حسيت بالفرحه حقيقي وياكي
وإحساسي سابقني دايماً لِلُقاكي
شوفت الحب في نظرة عينك
وحسيت بحنانك في لمسة ايدك
شوفت الجنه ونعيمها في قُربك
والنار حسيتها بتكويني في بُعدك
واول مره دقات قلبي أحسها فرحه
وبحروف إسمك لما تغيبي يناديها صرخه
حبك خلاَّ الأرض زهور
وخلاَّ الدنيا كلها نور
انتي الحب اللي أنا عايش ليه
وانت الهنا اللي أنا باحلم بيه
واول مره احس الفرحه مش سيعاني
حتي البسمه شايفها في عينك كل احلامي
وأول مره اسمع إسمي أنغام وأغاني
وأول مره أحب الدنيا واحب أيامي
وأول مره أشوف الكون فرحان علشاني
ونجوم السما مرصوصه عُقد وشكله جميل
بعتهولي القمر ليكي ياللي حسنك ماله مثيل
وأول مره أشوف الناس حواليا جميله
كإنها ورد وزهور بستان
وفراشات طايره علي الأغصان
واول مره اشوف الحب في عيون الناس
وقلوب مليانه محبه كلها احساس
حبك خلا لحياتي أجمل معني.
ودقات قلبي حاسسها لحن ومغني
نفسي العمر بينا يطول
وانتي معايا حب وعشق مش معقول
نفسي تكوني أسعد إنسانه معايا
وافديكي بعمري ياحبي وهوايا
خواطر ( اشرف الدغيدي )
حقوق النشر محفوظه
