almasalsharq
مقالات مشابهة
فيـكي منـي و فيـا منــك ……. و الشبــه بينــــا خيـــالي
و اما بحكي ف مره عنك ……. ببقى بحكي عن خصالي
طول ما طيفك كان قصادي …. و لا حتى مـش معــــايا
زي ما اكون شوفت روحـي ….. واقفــه قــــدام المرايـه
بينـا كيميـا مهيـش عاديه ….. حتى في لــــــون العنيــن
العــــــوايد ……هيه هيه …… فولــه و اتقسمت روحين
في كلامنا و ف غرامنــا ……. في اعترافنـا أو السـكوت
كل شيــئ يشبهنـا جـدا ……. و احنـا نشبه بعض مـوت
حتى ف الاحساس تمللي ……. زي ما نكــــون توأميــن
فيه كتير م الناس تقوللي ……. هوه مين يشبــه لـ مين
تعـرفي اني كتيـر بحسك ……. بنتـي ومرايتي وملاكي
زي ما انا حاسس فعينك ……. إنـي إبنـــــك أو بـابـاكي
بينا(ماتشينج)ف احتياجنا .. وف اختيارنا وف الأماني
لـــون حنينـي ليكي نفســه … لـون حنين قلبـك عشاني
و الكـــلام لو جيت اقـــوله …… جـوه ف عيونـك يبـان
زي ما نكــون اتقابلنــــــــا …. و عشنـا من قبـل الزمــان
إحنـا نشبـه بعـض خالص …. فـــوق ما يتصــور خيــال
إحنـا نفـس النسخـه جـدا …. و مش هتتــكرر محـــــال
.
.
.
