almasalsharq
مقالات مشابهة
احساس كبير بيشدني
نحو القلم بيقول تعالي واكتبي
وانسي الالم مهما افترقنا
انا وانتي في لحظة بنرجع
لبعض ومش بنلاقي
حد فينا من التاني انظلم
حبيبتي انتي وعشرة العمر الطويلة ومن الطفولة وانتي بيا متمسكه ودايما انا في ايدك
وايدك عليا متبته بحب
فيكي حبك ليا وانتي الوحيدة
اللي حاسه بيا عايذ ادمع حبر
من غير زعل اوكبر بتطلعي الدمع اللي فيا ينذف
حبر علي الورق لما
حسيت ان الورق من كتر الحزن اللي في حبري احترق
بحب فيكي كل كلمة
صدق بتحبي للناس الخير
وبتكتبي عنه حتي في
نهاية قصصك بتكتبي ان التخلي عنك من حد مايستهلكش
شئ مايزعلش ولما يروح
من حياتك انسان اناني
او حد دخل حيايتك بخداع علشان يهدمك وبااسم الحب
يخدعك انساه وماتفكرش
فيه ونيته السيئة
خليها ليه ياريتها كانت تنفعه
لان دي الحاجة الوحيدة
اللي في قلبه هتوجعه
وانا ياحبيبتي من
طفولتك دايما في ايدك
ودايما ايدك عليا متبته
انا الوحيد اللي في
حياتك بشاركك الفرح
وجراحك ولما تحسي
الناس سعيدة بتقولي انا
كأني طفلة مولودة في دنيا حلوة جديدة سعيدة وان الامل
دايما في روحك وتقولي دايما بكرة اجمل اكيد حتي في ساعات
المرض بتكتبي احلي الكلام وتقولي ان الدنيا بخير بتحب
الخير للكل دايما من غير ماتشيلي حاجة في قلبك لحد ومن
غير تفكير حاسه ان بكرة دايما جاي وبيحمل معاه للناس
الخير وقلتلي مرة ياقلم انت
رفيق الدرب المحترم
لا في يوم هتكدب اوتمثل
عشان اصلك مش مزيف اما
البشر مش زي بعض
فيهم حقيقي وثابت علي الارض
وفيهم سراب ماتحسهوش
لو يوم تبخر ماتسألوش
جيت منين او رحت
فين اصل السراب زي الضباب الرؤية فيه زي الاوهام فيه
ناس كتير بتعرفهم وشويه شويه تحس انك كنت
مغمض عنيك وبتشوف
احلام اما انت يارفيق الدرب قلمي
ورفيقي واحلي حب
في الدنيا لما نحب
نكتب نحب اقلامنا ونقول
ان القلم رفيق الدرب وتحية للقلم ولمن يجعله رفيق
دربه انا والقلم احباب
ومافيش مابينا ابواب
وهيبقي العمر كله رفيق
دربي قلمي لما يناديني
اكتب احلي الكلام
بقلم/ صبرين محمد الحاوي/ مصر
