almasalsharq
Related Articles
ليه تشغلني ليل ونهار
وتخلي الفكر معاك يحتار
وتسهرني طول الليل
وحبك يبقي عذاب وويل
ولاَّ يعني علشان بهواك
بتعذبني يوماتي معاك
لما اشتقلك واطلب قربك
القاك تتقل وتزيد بُعدك
والقاك ناسي ليا وعدك
ولاَّ عايزني أشحت ودك
قول ياحبيبي إيه قصدك
ماانت عارف إني بحبك
وانت معايا قلبي بيشتقلك
وعايزك دايماً تبقي معايا
اراعي هواك وتراعي هوايا
ونعيش أيامنا حب ف حب
هو العمر فيه كام يوم
ليه نخليه بُعد ولوم
لما تزعل قوللي واصالحك
وتزعلني برضوا اسامحك
مش عايزين في حياتنا ألآم
ولا عايزين بينا خصآم
ولا عن بعض نخبي كلام
وتبقي حياتنا غرام في غرام
ماانت حبيبي وانت نصيبي
وبيك الأمل نورلي طريقي
وعمري ليك بس إوعدني
لاتبعد عني ولا تعذبني
وخليك دايماً فرحه في قلبي
ولو زعلان إوعي تخبي
إنت عيوني اللي بشوف بيها
وانت الغنوه اللي بغنيها
وانت الدنيا وكفايا عليا
ربي يخليك دايماً ليا
حقوق النشر محفوظة
