almasalsharq
Related Articles
في الصباح قابلت وكيل النيابة وطلب مني اخباره بكل ما أعرفه وبالفعل فعلت كل ما طلبه مني حسام وفي صباح اليوم التالي كانت الصحف تعلن القبض عن محسن القاتل في مخزن مهجور و جاري بدء التحقيق معه
في النيابة
_ ايه علاقتك بالقتيل؟
= كان بيشتغل معايا من كام سنة
_ وليه كان جايلك ؟
= كان عاوز مني فلوس
_ بخصوص ايه؟
= ٠٠٠
_ ايه الإجابة صعبه قوي؟
= لا مش صعبة
_ طب هقلك سؤال أصعب،قتلته ليه؟
=أنا مقتلتوش
_ مكنش حد في الاوضة معاه غيرك
= لا كان في
_ مين؟
= سهي
_ سهي مين؟
=بنت اخويا
_ محدش شاف حد في الاوضة غيرك والشهود كلهم أكدوا ده
= ماهو محدش هيشوفها لأنها ميتة
اااااه قول كدا انتي عاوز تعمل مجنون = لا انا مش مجنون دا الي حصل ايه حصل
=سهي خنقت محمود
_ سهي العفريته قتلت محمود، ودا ازاي بقي؟
=معرفش النور كان مطفي والباب اتقفل علينا من برا محمود قعد يستنجد بيا وبيقول الحقني يا محسن الحقني بتخنق وانا كنت مرعوب معرفتش أعمل ايه وفي ثواني سمعته بيوقع علي الارض وسمعتها بتضحك زي ما تكون شيطان والنور نور ولقيته شكله فظيع حاولت اساعده واعمله تنفس صناعي معرفتش
كان مات
_ انتا متخيل ان النيابة ممكن تصدق كلامك ده انتا هتتحول لمستشفي الأمراض العقلية
=يا فندم انا مش مجنون والله ما مجنون،سهي راجعه تنتقم من الي عملته فيها
_ عملت فيها ايه؟
= أنا هحكي لحضرتك كل حاجة من الاول بس ممكن تسمعني للآخر
اتفضل = بدأت الحكاية أما سهي جتلي مكتبي بعد ما ابوها مات وكتب لاخوها حسام كل الورث وطلب منه يديها شوية بشوية زي ما ابويا عمل معايا بالضبط وحرمني من ورثي واداه لاخويا محمد الي هو ابوهم ،فسهي جاتلي وقالت عمي صباح الخير
= صباح الفل حبيبتي،ايه اللي جابك بدري؟
_ كنت قاعدة افكر طول الليل ومنمتش واخيرا لقيت الحل
=خير فهميني
_ انا تعبت يا عمو ،أنا باخد مصروف زي ما اكون عيله مع اني الكبيرة
= طب والحل ايه ؟
_ حسام لازم يتربي عشان يديلي الورث بتاعي
= وهتربيه ازاي بقي ؟
ايه رايك جوز بلطجية يضربوه علقة = ودا برده هيخليه يتربي امال ايه؟
_ جتلي فكرة جهنمية،اعرف ولد ابن لاذينا له في ميكانيكا السيارات هيلعب في العربية تخليه يعمل حادثة بسيطة كدا
_ عمو حادثة ايه دا اخويا متهزرش
= يا بنتي دي حاجات بسيطة زي بتاعة الأفلام يعني آخره هيلبس في شجرة
متأكد = طبعا متأكد خلاص ماشي وعاوزه اشوف الراجل ده بنفسي وانا الي اتفق معاه عشان مزودهاش ويبهدل اخويا ولا يجبله عاهة، أنا بس عاوزاه يتعلم الادب ويديني حقي
= ماشي هكلمه ونتفق نتقابل
وبالفعل قابلت سهي بمحمود وتم الاتفاق ولكن الشيطان لعب برأسي فغيرت خطتي مع محمود
بقلك ايه يا محمود،ايه رايك بدل ما تاخد خمس ألاف نخليهم خمسين الف وتبوظ فرامل العربية قصدك ايه فهمني؟
= يعني زيادة الخير خيرين وانا وانت نستفيد ،انا يرجعلي الورث وشقتي وكل حاجة وانت تاخد حلاوتك
_ وانا موافق بس مائة الف
= كتير قوي
_ لا مش كتير دي جريمة قتل
= ماشي وانا موافق
اتفقنا
_ طيب هي قالتلك نفذ امتي
= التلات
_ لا هنفذ بكرة الأحد ،وسبلي انا التكة بتاعتي خليها مفاجاة
_ الله ينور عليك هو دا الكلام
بس يا سعادة الباشا وكنا قاعدين مع بعض انا وسهي حطتها دوا في العصير قعدت تسوط فقلتها لازم تروحي مستشفي حالا ،يمكن تكون الزايدة أو مغص كلوي وكلمت حسام من غير ماهي تعرف وقلتله تعالا الحق اختك باين الزايدة هتنفجر ولازم تروح المستشفي وجه يجري خدها في عربيته وهي متكلمتش لأنها كانت بتتقطع من الوجع وانا عملت اني بركب عربيتي عشان أروح وراهم لكن اول ما اتحركوا نزلت من العربية وبالضبط أقل من ربع ساعة وجالنا الخبر ان العربية انقلبت بيهم ووقعت في البحر وسهي ماتت علي طول وحسام فضل في العناية المركزة فترة ومات بردة ومن يومها لبسوا الشقة وبقوا يطلعولي انا ومحمود في كل مكان، حتي لما بعت الشقة بتاعتهم كل الموظفين وحتي البواب والجيران كانوا عارفين ان الشقة مسكونة والي اشتري مني الشقة رجع في البيعة لان الحيطان كانت بتبقي كلها دم واخر حاجة حصلت سهي طلعت ليا انا ومحمود واحنا بنتكلم عن بيعة الشقة و خنقت محمود عشان تلبسهالي
= المفروض ان النيابة تعترف باقوالك دي
_ يا فندم والله دي الحقيقة انا مش مجنون انا اه خططت لموت حسام وسهي بس الي نفذ محمود وانا مقلتش محمود هي سهي الي قتلته انا والله ما لمسته حتي شرحوا جثته انا مقربتش منه
_قررنا نحن وكيل نيابة شرق القاهرة بتحويل جثة المدعو محمود سليمان للطب الشرعي لرفع البصمات وتحويل محسن جاد الله للكشف عن سلامة قواه العقلية
وبالفعل تم تشريح جثة محمود وأثبت التقرير الطبي ان محمود خنق نفسه بيديه ،أما عن محسن فتم التأكد من سلامة قواه العقلية وتم تبرئته من قتل محمود وتمت ادانته في قضية قتله لأولاد أخوه وتم الحكم عليه بالسجن لمدة خمسة عشر عاما ، أما حسام وسهي فلم يظهروا مرة اخري واصبحت شقتهم خالية تماما من الأطياف واستلمها أولاد محسن ،أما فريدة فبدأت رحله جديدة مع طيف جديد منير ذو الأربع سنوات.
