almasalsharq
مقالات مشابهة
والشمس ويا القمر
فرشو العيون أنوار
الورد فتح فرح
والشوك طرح أزهار
يارب أنول مطلبي
وأزور النبي المختار
وبعيني أشوف الجبل
والناس فى أكرم دار
فى الكعبه نور النبي
فى كل حين يطلع
يملا قلوب البشر
حب وإيمان يسطع
لانه خير الورى
اصلى عليه وأخشع
اللى اصطفاه ربنا
هو لنا يشفع
فى الجنه يوم اللقا
الرحمه هناك أوسع
من معجزات النبي
بان له كتير علامات
بالحب لان الحجر
فايت عليه بصمات
والسعى بين الصفا
والمروة بابتهالات
تجلى قلوب م الصدا
بالذكر والصلوات
لما أرد ربنا
فتح السما أبواب
النور ملا قلبنا
وعدى كل حجاب
صعد النبي المصطفى
قابل كريم تواب
وعند باب الصفا
اتجموع الاحباب
جبريل حبيبه بكى
ساعه وداع وخشوع
سلم عليه النبي
وعنيه ماليها دموع
دخل النبي م الحجب
وغيره كان ممنوع
شاف العجيب العجب
ولا فيه شبع ولا جوع
بالحب زاد الصفا
المصطفى الممدوح
بعينه شاف القلم
والكرسي ويا اللوح
سر الحقيقه ظهر
كان للنبي مسموح
عطر التقى انتشر
م الجنه كان بيفوح
ختم النبي رحلته
فى الجنه كان طواف
والنور علا وجنته
بالحب كان له مطاف
رجع النبي م السما
والضى عم وطاف
للاقصى لما نزل
أمنت الاف والاف
فى الصبر كان مدرسه
حليم ..وكان انسان
كان للغلابه سند
كان لليتامى حنان
الوحى جه م السما
برساله م الرحمن
جايب بشاير هنا
للمصطفى..قرأن
للمؤمنين كلهم
رحمه وضى سلام
نور الهدى لمهم
فى طاعه العلام
لم النبي شملهم
فى عبادة صلى وصام
ومين بقي زيهم
فى نعمه الاسلأم
انا مهما أقول وأمدحك
مش حقدر انسي ضياك
ياللى الاله كرمك
يامصطفى محلاك
انت شفيع أمتك
فى الجنه نبقي معاك
علشان بحب النبي
فى قلبي حجمه كبير
أنا مهما اكتب
وأشغل التفكير
فى ايدى سجد القلم
للمصطفى تقدير
طه حبيب ربنا
صورته ف قلوب الناس
هو حبيب قلبنا
هو قمر للناس
نوره ربيع حبنا
بنشوفه بإلاحساس
بعيون ايمان مخلصه
بالحس مالها مساس
يارب أزور النبي
وأنتم وكل الناس
نورا صادق
