almasalsharq
مقالات مشابهة
ولو صدفة اشوف صورتك
القي النوم يجافيني
ولما الناس تجيب سيرتك
يسيل الدمع من عيني
اغمض عيني واتنهد
واقول امتى اشوفك يوم
اصبر قلبي ع الهجران
واقول ازاي يجيلك نوم
يرد القلب ويقولي
اكيد بكره ده هيجيني
ونرجع تاني زي زمان
وتبقى انت الضيا لعيني
وبكره يطول وفكري يطول
وليلي في هواك مشغول
واقضي الليل في حرمان
وقلبي كله احزان
واتاري قلبي لسه معاك
وانا اللي بحسب انه نساك
ولا بيقسى ولا بينسى
وليه قلبي كدة لسه
أن مر يوم عليه ذكرى
وشاف صورة ولا فكرى
بيرجع تاني يتنهد
ويسرح فيك ويتشتت
ما بين بعدك وشوقه إليك
وبين حبك وخوفه عليك
وبين هجرك وضي عينيك
انا قلبي ده لسه شاريك
وانا اللي فاكرة انه نسيك
مجرد بس شاف صورتك
لقيته جاي بيجري عليك
وساب النوم وفكر فيك
الاتنين 2021 /30/8
:
ماجدة_البهيدي
:
