almasalsharq
مقالات مشابهة
فيه قواعد كتير لازم نراعيها و احنا بنشتري أي قطعة ملابس جديدة لأنه مش معنى اني بشتري من براند كبير او محل ملابس مشهور انتي بالضرورة هلاقي حاجة قيمة ذات جوده عاليه لأنه ببساطة في محلات كتير بتعتمد على مصانع معينة في تقفيل القطع الملبسية و مش كل المصانع دي بتراعي معايير الجوده العالمية في جوده ملابسها و عشان كده لازم نعرف الأول أساسيات جوده الملابس
1) لازم الأول اشوف التكت اللي في القطعة و غالبا بيكون تحت في الناحية اليمين و بيكون مكتوب فيه مكونات القماش اللي مصنوعة منه القطعة اذا كان قطن صافي او قطن مخلوط بنسبة معينة مع فسكوز او ليكرا او كتان و هكذا يبقا حضرتك كده عرفتي الخامة اللي مصنوع منها التيشيرت مثلا و هتعرفي هيكون مناسب لبشرة جسمك ولا لا
2) انتبه لرسمة المكواة اللي في التكت و اشوف مكتوب عليها ايه لو عليها علامة اكس يبقا الملابس دي مش هتتكوي بعد الغسيل
3) واشوف علامة الغسيل لو دراي كلين او غسيل باليد يبقا تعرفي ان خامة القطعة دي رديئة يبقا ماتشتريهاش و و فري فلوسك لقطعة اخر
4) نيجي للنقطة الأهم و اللي كتير مش بياخدو بالهم منها و هي الثقوب اللي بتبقا في جسم القطعة نفسها و اللي بيكون سببها ان القماش قديم جدا او تقوب نتيجة استخدام أنواع ابر خياطة اكبر من المقاس المطلوب لنوع كل قماش
5) لازم نقلب القطعة من جوة و نشوف تقفيل الخياطة و الغرز فيها طقطقة ولا متصلة مع بعض بدون فراغات و يكون تشطيب القطعة نظيف يعني مفيش خيوط طالعة من جوة الغرز
6) لو فيه سوستة لازم نفتحها و نقفلها عشان نشوف اسنانها في الفتح و القفل سليمة ولا مكسورة
7) لو فيه زراير اشوفهم نفس الحجم ولا لا و امسكهم و اشوفهم مثبتين كويس في القطعة ولا لا لأن في الغالب مكن تثبيت الزراير بيركبهم دون فرماتورة يعني تثبيت للغرز كويس
8 ) احط الكتفين على بعض و اشوفهم طول بعض ولا لا عشان مالاقيش كتف ساقط عن الجسم لتحت عند اللبس
9) احط الاكمام على بعض عشان مايبقاش فيه كم طويل و كم قصير و كذلك فتحة الكم من تحت و فتحة البنطلون في الرجلين لازم يكونو متطابقين تماما بين الكم اليمين و الكم الشمال
دي اهم النقط اللي لازم نراعيها و احنا بنشتري ملابس جديده قبل ما نقيس القطعة عشان تضمني حصولك على قطع ذات قيمه تعيش معاكي فترة كبيرة
شكرا علي المعلومات الجميله دي