almasalsharq
Related Articles
ومجاريح يا اهل الهوي مجاريح
مجاريح الحب راح وانطفت المصابيح
مجاريح وكان املنا هواهم
نعيش بقربهم ونتهني معاهم
وبين حنان حضنهم نرتاح ونستريح
وآاه يازمن آااه لما القلب يبات جريح
واه من قلوب قاسيه ماتعرفش الندم
موجوع ياقلبي.منهم وحالي بسببهم عدم
واللي حبيناهم باعونا ليه من غير تمن
وجعونا وخدعونا وخلوا حياتنا حزن وألم
كنت فاكرهم احبابي لقيتهم سبب عذابي
وجرحي في هوايا سرق مني افراحي
بقالنا سنين عايشين معاهم مخدوعين
وعشان هواهم ظلمونا وكنا متحملين
لا وفا ولا إخلاص منهم شوفناه
وعانينا من طبعهم والمر كله شربناه
واللي بينا وبينهم حياري مساكين
موجوعين معانا وبيعانوا من سنين
ونقول عشان نصونهم أدينا صابرين
وحبايبنا العزاز حياري قدام عنينا
وحضنهم من قسوة الايام غاب علينا
واللي بينا وبينهم ياربي راح فين
مليش غيرك ياربي ابوح له بالهموم
حوالينا ناس كلامهم كله مليان سموم
بأشكيلك ياربي من ظلم الدنيا ليا
إشتريناهم باعوا ود السنين والحنيه
سرقوا قلبي وسابوني وحدي اعاني
ضاعت أيامي الحلوه وفضل عذابي
يرضيك يازمن اقرب الناس ليا
يبقوا سبب همومي في الدنيا ديا
و إللي بنيتوا في سنين في لحظه ضاع مني
واعمل ايه ياربي في قلبي وايه ذنبي
مكتوب عليا العذاب واملي تعوضني
واللي إختار حياته ياريته صح اختار
إنكتب علينا الهجر والفراق وهو مش محتار
