almasalsharq
مقالات مشابهة
آدي اللي كبرنا معاهم وكبر جوانا هواهم
حبيناهم واتعلقنا بيهم وطول عمرنا بنتمناهم
اتمنينا يحسوا بينا ونعيش عمرنا معاهم
وادى اللى صبحوا من سنين نور عنينا
وكانوا ماليين الدنيا فرحه حوالينا
صبحوا حبايبنا واقرب ناس في الدنيا لينا
في بعدهم ياما عشانهم سهرنا وبكينا
وماهان عليهم يمسحوا دمع عنينا
يرضيك ياهوى اللي عملوه حبايبنا فينا
كانوا قريبين مننا واتغيرت احوالهم في يوم وليله
وبعد ما كانوا مزينين دنيتنا وسبب لفرحتنا
وكنا بنعتبرهم من ربنا هديتنا
لقينا حبهم وهواهم بيجري في دمنا
واتعلقنا بيهم وغصب عننا بقوا حته مننا
وهان عليهم ينسونا وماهانوا علينا ننساهم
وكنا دايماً ود وحنيه وشاريين هواهم
نسيوا هوانا وراحوا لغيرنا
وهما قدام عنينا بيبعدوا عننا
ودي الوقتى مين فى بعدهم رآح يداوينا
وهنعمل ايه في هواهم وهما مش حاسين بينا
ملناش حظ وياهم نسأل عليهم ومابيسألوا فينا
خلونا نسهر ونبكي علي نصيبنا ياعينى علينا
ادى اللى كانوا سارقين من عيونا النوم
وماكانوا يتحملوا زمان غيابنا عنهم يوم
فين الوعود والعهود اللي كانوا زمان
وفين كلامهم عن الحب والهوي والامان
وايه اللي غير هواهم بالشكل ده يازماني
عيشونا الأماني وسرقوها مننا تاني
وازاى هيقدروا يحبوا غيرنا وينسوا حبنا
ومين راح ينسينا حبهم ويداوي جرح قلبنا
وازاى هنقدر نعيش من غيرهم ونكمل عمرنا
ونعمل ايه في الدنيا الحلوه اللي رسموها لِحبنا
واحنا اللي ماشاربنا يوم حلوا وغرقنا في مُرنا
الله يسامحكم ياللي قدمنا ليكم كل حبنا وودنا
وانتوا قطفتوا ايامنا الحلوه وموتوا كل وردنا
