almasalsharq
مقالات مشابهة
لسه غريبه انك فاكرني
يالي وقتي معاك انتهي
قلبك إلي يوم هجرني
ونفسي قولت وهنتهي
ليه رجعت بتحكي عني
عن حاجه حلوه بحبها
وتقول ماتزعلش خلاص
من كلمه ممكن قولتها
وبكره تعرف أنت مين
وانك حياه انا عشتها
فاكر كلامك لما قولت
انتي الجمال وبعدك مفيش
انتي بستان مليان زهور
وقلبي جواه بيعيش
انتي بحر من الحنان
وحب غالي ماينتهيش
بصيت عليك انت مين
ولسه فاكر من سنين
وبرضه عارف اني نسيت
واني قاسيت هم وانين
وعشت قلبي مليان جراح
ولسه عايش بيه حزين
راجع تقولي من جديد
بتحكي وتشرح وانت بعيد
عن حب ضايع كان مهين
خلاص حكايتي معاك خلاص
مفيش من البعد خلاص
لكل واحد فينا طريق
ماكانش صح من الاساس
انا نسيت جرحك يادوب
وخرجت من كل الدروب
وقولت يومها لازم أتوب
واشرب النسيان ده كاس
أرجوك تحاسب ماتناديش
ابعد بعيد عني وعيش
لو كنت غالي عند نفسك
أما أنت عندي ماتساويش
ودع حياتي ارحل بعيد
انساني واهرب من جديد
انا احلي حاجه اعيش وحيد
لسه فاكرني غريبه
وكل حروفك دي عجيبه
وانت أفعالك مريبه
جي تاني ليه ليه
قلبك وجعني وقلبي نسيه
