إرشادات للتعامل مع أطفال المتأخرة في الكلام كتبت أ / دعاء كامل سفينة

تواجه أسرة الطفل المتأخر في الكلام مشكلات و تحديات و صعوبات نفسية و مادية و معنوية منها فهم يعانون من أشياء كثيرة منها :
-عدم فهم الاب و الام لصراخ الطفل و عصبيته و بكاءه فلا يفهمون ماذا يفعلون لهذا الطفل كي يهدأ

• انزعاجهم الشديد عندما يراه الاخرون و يسألون هو ليه مش بيتكلم ؟؟ و لم يوجد إجابة كافية و السؤال نفسه تعدي علي خصوصية الطفل و الاسرة جميعا
• عدم الامان الذي يملأ تفكير الأب و الأم في ترك ابنهم في اي مكان خوفا انه مش بيتكلم فبالتالي ممكن أي حد يأذيه و هو مش هيعرف يرد حقه أو يعبر عن نفسه
• مواجهتهم للكلام غير العلمي بالمرة و غير حقيقي تماما و هو انتي اللي مش بتتكلمي مع ابنك عشان كدة هو مش بيتكلم ابنك ممكن يتاثر من قلة الكلام و عدم التفاعل فترة لكن لو الطفل سليم و نزل حضانة هيعوض هذا التأخر في مدة بسيطة فاضطراب تأخر نمو اللغة ليس له علاقة بذلك
• من الكلام غير العلمي و هو انك عشان بتكلميه بلغتين حصل تأخر عزيزتي الام الطفل السليم عادي جدا بيستوعب لغتين هو ممكن يفضل لغة عن لغة بس فيه لغة سليمة هيتكلم بيها و هيكون ممتاز فيها إنما الطفل اضطراب نمو اللغة بيكون عنده مشكلة في اكتساب اي لغة انجليزي اسباني عربي و هتكون نفس المشكلات علي سبيل المثال : عدم سرده للأحداث بشكل كامل / دائما لم يذكر التفاصيل بيكتفي بجملة بسيطة في اجابته للسؤال عملت ايه انهاردة في المدرسة / مافيش دافعية للتعلم و لا للكلام / النحو و ضبط السياق في الكلام دائما في مشكلة و سواء عربي او انجليزي بيواجه كل هذه المشكلات

ما هو الحل و ما الذي يجب أن يفعلوه الأهل :

• تثقيف نفسهم من خلال فهمهم لطبيعة المشكلة و يفضل أن يستعينوا بمختص ” تخاطب ” يساعدهم في فهم مشكلة ابنهم
• اهم خطوة أو أهمهم علي الإطلاق هو التقبل و الاستسلام لإرادة الله عز وجل هو اختارك لتكوني في هذا التحدي و الاستسلام بمعني أسعي في حدود المتاح أمامي و هو اعطي له جلسات عند مختص ممتاز أسمع كلام الدكاترة و المختصين بشكل جيد و اترك النتيجة لله
• كوني متفائلة بشوشة هادية لان القلق المفرط و الاحباط و الخوف و التوتر عدو مدمر لابنك و ليكي كأم هيكتفك و يمنعك أنك تشوفي نقط القوة الموجودة في ابنك
• استعينوا بمعالج نفسي إذا لم تستطيعوا تقبل هذه المشكلة طبيعي انكم تكونوا منزعجين فإذا لم لم يتم السيطرة علي القلق و الاكتئاب لا تتركوا نفسكم تدمروا حياتكم استعينوا بمعالج نفسي
• ركزوا فقط علي علاج المشكلة و ليس السبب من الجيد اننا نفهم السبب لكن لا تطيلوا الوقت في دخولكم لدوامة الرد علي سؤال ” ليه ابني مش بيتكلم كويس “
  ركزي علي الحلول و نفذيها بكل إتقان لان فيه حالات بيبقي من غير سبب واضح
• انتي كأم مالكيش أي ذنب في مرض ابنك مش انتي اللي خلتيه عيان و لا الأب المرض او المشكلة من عند الله رد فعلنا تجاه المشكلة او تقبل المرض هو اللي بيزيد المشكلة أو يخففها
  لكن انتم مش السبب
• حاوطوا ابنكم بناس يتقبلونه ناس تتفهم حالته ناس تدعمكم بشكل ايجابي و اياكم و الجلوس وسط ناس محبطة او متنمرة أو سخيفة اهربوا منهم
• وصلوا لابنكم انكم متقبلينه و فاهمينه و تشعروا بيه سواء تكلم أو لا حسوا بيه باعتدال انظروا للي يعرفه و مبدع فيه ماتحولوش حياة ابنكم لدايرة واحدة اللي هو عاجز عنها و هي الكلام احنا بنعالج اه جدا لكن دايما و دايما نفخر بيه في الاشياء الاخري التي بالفعل يعرفها
  -كونوا صداقات مع أسر كان عندها طفل متاخر في الكلام و اسألوهم عن رحلة هذا الطفل و ازاي هما اتعاملوا معاها
  و في النهاية كل الدعم و التحية لكل اب و ام عندهم طفل هكذا بالتوفيق