almasalsharq
مقالات مشابهة
بقلم / أمنية عبد الرازق
اخصائي تعديل سلوك ورئيس قسم الأمومه والطفوله والصحة النفسية جريدة الماس الشرق
من اكتر الحاجات اللى بتغير ملامحنا وبتغير مزاجنا للأسوء وتسبب تدمير لحالتنا النفسية والصحية هو ( التفكير المفرط Over thinking )
كلنا بنفكر بس ازاى اعرف انى بعانى من مشكلة التفكير المفرط ؟؟
من كتر التفكير هتلاقى نفسك فى نهايه اليوم
(فيه لوم وجلد لنفسك ) على كل حاجه بتعملها ودى بنسميها :(النفس اللوامه ) ودا بيحصل لمعظم الناس اللى بتسعى للكمال perfectionism
- هتلاقى نفسك بتسأل سؤال(ماذا لو……؟)ماذا لو رسبت؟ ماذا لو زوجى قام بخيانتى ؟….إلخ، تفكير سلبي وتخيل سيناريو سلبي لحياتك ولمستقبلك .
- تفكير كتير فى الماضي وخصوصاً لو تجربة مؤلمة فتجعلك غير قادر ان تتعايش مع الحاضر .
-كلنا بنفكر ، ولكن اما يكون فيه اضطرابات فى النوم والأكل فهذا ينذر بوجود تفكير مفرط
-التعمق فى التفاصيل : انك تلاقى نفسك تحتاج معلومات كتيرة لموضوع بسيط وانك بتكرر نفس الاسئله ونفس الكلام
-اما تلاقى نفسك غير قادر على اتخاذ قرارات.
- تعرضك للصدمات النفسية فممكن تثير تساؤلات كثيرة وخصوصا انك تفضل تقول ازاى دا حصل وحصل ليه وميكونش عندك اجابات للشئ دا فتخليك تشعر بالقلق.
الإجهاد العقلى دا يؤذى بصحتنا النفسية ومن ثم صحتنا الجسدية .
أثبتت الدراسات ان التفكير المفرط يجعل الانسان لديه مشاكل القولون والجهاز الهضمي والصداع والارق ومشكلات القلب وضعف التركيز ويقلل المناعه وظهور الحبوب فى الوجه والغثيان وظهور امراض نفسيه كالاكتئاب والارق والقلق كما انه يجعل الانسان اكثر عرضه للموت والانتحار.
فدائما اقول ان المضاد الفعال للتفكير الزائد الا يكون لديك وقت فراغ للتفكير باللجوء للأنشطه والهوايات والقراءة والرياضه📖🤽♂️🏌️♂️🏃♀️
💫لاحظ طريقة تفكيرك وكتابة ما يدور بذهنك✍️
💫 التركيز على حل المشكلات وليس التعمق فى المشكله
💫 تحدى افكارك السلبية وركز على الحاضر
بتنظيم وقتك⏱️ وبتدوين اهدافك اليومية✍️ وتحقيقها
💫 تمارين التنفس والاسترخاء 🧘🧘🏼♂️
لا يمكنك ان تجد السعادة وانت غارق فى حديثك عن الالم فاللهم نسألك بالاً مطمئناً😊
