almasalsharq
مقالات مشابهة
جات الحزينة تفرح
ياعيني كانت متفاءلة
معادتش طايقة حد لا عيالها ولا جوزها فجأة دخلت بشنطة هدومها على مرات أبوها
يالهوي مع خبطة على الصدر متداولة كماركة مسجلة عند نزول مصيبة
جاية لامة هدومك والحزن هينط من عين اللي خلفوك
ردي يابنت الموكوسة
أيوه اطلقت
لما الحزن وقف ف زوري وأنا بأفطر جه اللي ينشل ف ايده ورجله وميلاقيش حد يناوله سيجارة بانجو
ضربني على ظهري بإيده اللي زي المرزبة عشان أبلع الحزن
رفعت عليه قضية المحكمة رفضت
رحت لمحكمة الأسرة المحامية عملت حادثة يوم الجلسة
جات محامية تانية اتطوعت بالدفاع عني عشان أرجع خاتم الخطوبة اللي برقبته ورقبة أهله
المحامية طمعت في الخاتم بعدالحكم لصالحي
الست المحامية إلهي أشوفها متشعططة ومتلطمة على كل محاكم مصر عشان تصرف نصيبها من ورث جوزها متعرفش
المهم المحامية روحت البيت لسه هتقلع الخاتم طلع لها منه الخادم شبيك لبيك برعي بين إيديك أؤمري ياهانم برعي معاك لك تلات طلبات
الأولاني غير متاح لأن مفيش دولارات
التاني غير متاح نظرا لظروف خارجة ولسه مرجعتش
أما الطلب الثالث فمن حقك تطالبي بيه مع المعاش ولو اتأخر الورثة هيصرفوه متقلقيش
ربع كذبة إبريل بقلم طه هيكل
