سحر العيون حلال
وعنيكي ….ساحراني
وسحرك ليه مفعول
خلاني اقول ياني
شوفت بعنيكى الجمال
شوفت جنه محوطانى
اصل سحرك له دلال
دخل قلبي وحياني
**
سحر كلامك برضه حلال
نغم حالم بيشجيني
صحا ف روحي كل امال
وحلم يوماتي بيجيني
وكل كلمه وليها رنه
وبلسم شافي يداويني
أصل كلامك نغمه وغنوه
بيزود شوقي وحنيني
**
حتي جمال الخطوه دي سحر
لما بتمشي وبتتمايل
زي غزال ليك خصر نحيل
في كل خطوه تسوي هوايل
آه من سحر عنيك وكلامك
خلوني اروحلك واتحايل
خف الخطوه وانت معدي
سحر جمالك ملوش مثايل
**
لو تسحرني عنيك وتسيبني
ده يبقي حرام
لو تحرمني سحر كلامك
يبقي راح الغرام
وان بعدت يوم ونسيتني
ح اقول أوهام
وان رجعت تاني لحضني
نعيش في سلام
**
