almasalsharq
مقالات مشابهة
♦محتاجين نعرف اذا كان ابنك بيكذب ولا بيحكي قصص من خياله؟ ياترى ايه الفرق مابينهم؟
♦ايه الفرق بين الكذب والخيال عند الأطفال؟
الطفل في سنوات حياته الأولى في عمر الأربع سنوات بنلاقي بعض الأطفال يحكوا قصص بطولية زي ……
😀احنا جالنا حرامي في البيت وانا طلعت بالسيف وحاربته وانتصرت عليه
هنا🤷🏼♀ نلاقي بعض الامهات بشكل تلقائي تقول لابنها بلاش كذب انت كده حتدخل النار
بس ابنها هنا مكنش بيكذب .. ده طفل عنده خيال خصب ولغة كويسة اكتسبها بسبب ذكاؤه ولانه ذكي وبيعرف يفكر ويعبر عن نفسه .. بيعمل قصص بطولية بيكون فيها هو البطل زي الكرتون الي بيشوفه .
♦أطفال ثانية بتعمل قصص بطولية لانهم عندهم احساس بالاهمال من الأسرة وخاصة بعد ولادة طفل جديد .. فالطفل يعمل كده عشان يلفت الانتباه .. عاوز يقول انا موجود.. اهتموا بيا .. بس يتفاجئ ان مامته بتزعق وتقول عليه كذاب وممكن تخوفه بالنار كمان
♦هنا حيكون عندنا طفل شاعر بالاهمال و الاحباط والعقاب والخوف من ربنا وده يدخلنا في مشكلة القلق فنلاقي الطفل عنده تبول لاارادي او تلعثم.
💫طيب الكذب ؟؟
نلاقي الطفل يضرب أخوه أو يكسر حاجة في البيت او يعمل مشكلة في المدرسة ويقول لا انا معملتش كده؟
هنا الطفل خايف من العقاب
محتاجين نطمنه .. ونقوله فكر ثاني كده يمكن تكون ناسي..ولو افتكرت انا في الاوضة الثانية تعالى قولي .. ولو قلت الصدق مفيش عقاب
مانقولش انت كذاب ونعاقب .. هنا معلمناش الطفل سلوك ايجابي ويكرر نفس الغلط
محتاجين نعرف الطفل مش بيقول الحقيقة ليه ؟ ونعالج السبب بدل العقاب
💫طيب امتى أعاقب ؟
لما اكون اديت الطفل فرصة واثنين وانبهه لو اتكررت حتتعاقب
💫طيب ايه نوع العقاب؟
ضروري يكون العقاب مناسب لحجم الخطأ.. ويكون بالحرمان من حاجة حلوة او لعبة او خروجه مش بالضرب ابدا عشان ما ارجعش اشتكي ان ابني عنيف وبيضرب اصحابه
🙋♀️ تحياتى 🙋♀️
