almasalsharq
مقالات مشابهة
💫
🤷🏼♀ازاي ابنى يكتسب صفات الذكور وبنتي تكتسب صفات الاناث ده اسمه الدور الجنسي أو التنميط الجنسي
♦كل طفل بيتولد في داخله هرمونات ذكورة وأنوثة بتلعب دور مهم في تكوين السلوك والشخصية و بيكون ليها دورفي التغيرات الجسدية إلي بتحصل فترة البلوغ.
♦الطفل الذكر إللي بيتربى في أسرة أُنثوية.. بمعنى أن دور الأب بيكون غايب فيها إما بسبب وفاة أو طلاق أو انشغال الأب وعدم مشاركته لابنه الأنشطة الذكرية وممكن كمان يكون أخواته بنات .. فنلاقي الطفل بيتربى بين أمه واخواته ويبدأ يكتسب سلوكيات الإناث بالإضافة لأن الأم أحيانآ ترضى بطلبات الطفل لما يطلب أنه يحط مكياج وهو طفل زي أخواته البنات .. وباعتباره طفل الأم بتوافق .. أو أن الطفل يكون صوته فيه نعومة فيلاقي الناس تقول ده خسارة أنه يكون ولد هنا الطفل بيكبر مكتسب للصفات الأنثوية وعاوز الناس تعامله باعتباره بنت زيهم
♦أو البنت الي شايفة ان اخواتها الذكور مفضلين عنها في التعامل فتبدأ تتصرف زي الذكور عشان تاخد نفس الاهتمام. وأحيانا الأب بيكون كل أطفاله اناث فالطفل الأخير يعتبره كأنه ذكر ويبدأ يتعامل معاه على الأساس ده .
♦كل ده بيظهر آثاره في فترة المراهقة ويبدأ المراهق هنا يعاني من اضطراب الدور، هو دلوقتي ذكر ومطلوب منه يتعامل زي الذكور وهو ما اتدربش على ده من طفولته، أو أنثى ومطلوب منها تتعامل مع الاناث وتتكلم زيهم وتلبس بأنوثة وهي ما اتعودتش على كده .
♦من هنا تبدأ معاناتهم ونلاحظ ان سلوكهم فيه اضطراب وشخصياتهم مضطربة وبيكونوا زي التايه الي مش لاقي نفسه فيبدئوا يجربوا سلوكيات كثيرة يمكن يلاقوا نفسهم في واحدة منهم .
♦ومن هنا ضروري اننا نخلي بالنا جدا في مرحلة الطفولة ونزرع الصفات المناسبة للطفل فيه من صغره
♦الولد يخرج مع الأب عشان يتعلم منه ازاي يتعامل في المجتمع بصفته ذكر ، يروح اماكن العبادة مع الاب او يشتري من السوبر ماركت، يلبس لبس مناسب لجنسه، لما يطلب طلب غير مناسب نرفض ونقول ده للبنات بس فيتعلم ان في فرق ونفس الحكاية مع البنات في علاقتها مع امها .
♦وأهم حاجة عشان نحقق المعادلة دي المهم اننا نعرف نعمل حوار مع ابنائنا، نعرف نسمعهم بهدوء من غير نقد طول الوقت عشان الابن يطمن ويعرف يتكلم.
🙋♀️تحياتى 🙋♀️
