almasalsharq
Related Articles
مر الزمن في يوم وقالي مالك كدا متحير
شكلك مشغول باين علي وشك إنه شاحب ومتغير
قولته مفيش حبيبي بس سابني وخلي عقلي مشغول
والغيبه طالت اوي ماانت عارف بتخلي الفكر يسرح على طول
ياعشقنا يلي عايش معانا وسطنا
اعمل ايه في غيابه
الشوق ماشغلش قلبه ولا خبط علي بابه
قالي والله ما انا عارف
ايه اللي غير احواله
دا انت اول قلب ساكن جواه واقربله من احبابه
معدش يازمن احباب راحوا من ساعة مماتوا وسابونا اغراب
اللي كانوا منورين دنيتنا فاتحين علينا الباب
الكل تاه وكإننا وسط ناس ملهمش دعوه بينا
شغلتهم الدنيا وبقوا بس ع الورق قرايب لينا
لكن هم فين يازمن مفييييييش
هي ثقافه إتزرعت فرق علشان نعيش
ليه يرتاحوا وبعدها يفيقوا علينا ويشغلوا عقلنا
هم يعيشوا باللي يجي
ليهم ويحمدوا ربنا
هنحن علي مين و مين إحنا يدوب متحملين نفسنا
عشان كدا يازمن زي ماشوفتتي متغير
الفكر قتل دماغي وبقيت حزين متحير
عموما اكيد وصله تعبي وإن بيه مشغول
والرد عنده
يرحمني من التوهه والفكر اللي علي طول
و ع العموم كله بإيده يقدر يقرر
يا يرجع ويريح نبض قلبي
ساعتها هنبقي معاه وسهل إنه يعبر
