almasalsharq
مقالات مشابهة
فوت الي فات سيبه في حاله
هوه السكات مالك. ماله
لو كنت يومها فيك احساس
كان من زمان ….اتغير حاله
فاكر وليه ….عامل ناسي
شايفني من بدري ..بقاسي
جايب لي مر ماليه بكاسي
من غدر هواك واجع راسي
فوت الي فات ودع وانسي
اعتبره مات اهدي وارسي
لو كنت يوم حسيت بالحب
كنت علي شطه هاترسي
فوت الي فات ليه تستغرب
والحب حلم كان ليك قرب
وانت الي غدرت بايامي
دوق الوجع زيي وجرب
فوت الي مش ممكن يرجع
والي فراقه ليك يوجع
انساه وحافظ علي الباقي
مهما تقول مش راح يسمع
فوت وأوعه تنده له تاني
ماتقولش في البعد بعاني
ولا تشكي وتقولي زماني
فوت الي فات عيش وحداني
م هو ده الي كنت كتير تاعبه
ياما قولت لك قولت بحبه
والحب لما كان جميل جواه
بقيت تفوته وبتلاعبه
هوه الي كان وانت حكايته
ليه انت الي كتبت نهايته
مع أنه كان بهواك مبسوط
وكنت انت الي بدايته
خلاص بقي فوته بحاله
لا تقول لعمه ولا خاله
كفايه عليه منك جرحه
والحزن ساكن مواله
