almasalsharq
مقالات مشابهة
قولي ياعم أيوب
مش صبرك كيف صبرنا
داحنا ياعم يدوب
يومين ويخلص مننا
هو العيب في القلوب
ولا العيب في صبرنا
هو زمنا غير زمنك
ولا احنا زمنا قاسي
قولي يا صبر كام تمنك
لاشتريك بشاشي
واوزعك ع اللي اتحرمك
وافرّح بيك ناسي
آه يا صبر أيوب
لو كان منك تقاوي
لنخزنك حبوب
واتصبرنا ع البلاوي
دا قبل ياعم ما نفوق
تتجدد تاني البلاوي
لازرع منك فدادين
واخزنك في الصوامع
واوزعك ع البنى ادمين
واعمل منك بضايع
من كتر الحمول مش قادرين
على الصبر لو دقايق
اللي طهقان من مرضه
من كتر سهر الليالي
مش طايق حتى خلجه
ولا طايق يعيش تاني
ونسي ربه اللي خلقه
ونسي رجوعه تاني
واللي قهران من الفقر
ونسي الرزق على الله
كأنه مدفون في قبر
عيشه عايشها ويالا
نسي الخواطر لها جبر
وكله بيد الله
وآه يا صبر أيوب
م تقولي فين الاقيك
ل أصرف عليك الجيوب
والغالي يرخص ليك
وتصبرنا ع المكتوب
فين ياعم الاقيك
شاعر العاميه
نبض الصعيد الجواني
خليفه الابنودي
أدهم السمهودي
