almasalsharq
مقالات مشابهة
اكتب با قلم عن إلي كان
الي يوم انشغل عنك وخان
عن حب ضاع مالوش وجود
ولا كان له زي مر الزمان
كان زي حلم في وسط نار
كان شمس طالعه وسط النهار
كان زي مايكون لي حياه
كاس محبه وشوق بعد المرار
اكتب وسطر وقول كمان
عرفني امتي حبيبي خان
وفاتني وحدي عنه بعيد
مافي امانه ولا فيه امان
البعد علمني ازاي اعيش
من بعد غدره مايهمنيش
الجرح مهما كان كبير
مش ممكن اموت بيه هاعيش
الدمع علمني اني افوق
انا لي حق وللناس حقوق
ومهما كنت صاحب مكان
لابد اصحي ليهم وافوق
اكتب ياقلمي واحكي عشاني
انا عمر قلبي ماكان اناني
ولا عمري يوم هاتخلي عنك
مهما اتوجعت أو جار زماني
البعد علم علي قلبي وراح
والفجر طب طب وقال سماح
والشمس لما خرجت تقول
أن النهار في الشوق سلاح
خليك بقلب جميل وصافي
خليك حنين بحضن دافئ
قرب وجرب تكون حد طيب
وقول لخلق الله عوافي
ياقلبي قلمي مني بيضيع
عشان هواك مات سريع
فكر في حالي رد عليه
خليك بحضني للماضي بيع
القلب مهما كان يكون
زي الورود جميل حنون
والفرح فيه لما تشوفه
تضمه ضم بشوق تصون
اكتب ياقلمي عن الي راح
اكتب وقول للناس سماح
الوقت عدا منه كتير
والراحه ب القبر….نجاح
