almasalsharq
Related Articles
اصحى من نومي
وأبدا انا يومى
بالتوكل على الله
منا رامي حمولى عليه
جل شانه فى علاه
واصلى لله صلاتى
ربنا مقدرنى عليها يوماتى
وأخرج من بيتى
شايل همومى
على كتافى
وعند الله الرزق الكافى
اللى يريح اللى على كتافي
وانا قاصد بابه
وكلنا على اعتابه
وعايشين كلنا فى رحابه
هو بس المعين
يمسح دع السائلين
ويبعدهم عن سكة الشياطين
ونروح لمين يارب وانت موجود
احفظنا يامالك كل الوجود
وافتح باب الرزق
ومتوجناش لغيرك ياخالق الخلق
ماهو زى بعضه
بس ماليهم الطمع
محدش راضى برزقه
علشان كدا اللى معاهم
مش مكفيهم
وانا مليش دعوه بيهم
انت قادر تغنينا تغنيهم
وانا بسعا
فى الدنيا والوسعا
وبقول يارب قوينى
لجل قرة عينى
اولادى هما عمرى وسنيني
لجل ارتاح من همومى
لما ارجع فى نهايه يومى
ومعايا زادى وزوادى
اسعد بيه ولادى
والحمد لله
على كرمك يالله
