almasalsharq
مقالات مشابهة
مرة في عمري اخدت قرار
اخد اللحمه من الجزار
من حلاوتها ياناس شدتني
قلت اكمل بالممبار
واعمل فتة معاها السلطه
وسط الاكل واحط خضار
ومن الشوربه اعمل ملوخية
واعمل ليلة وحفلة زار
لحظه ودارت بيا الدنيا
دا الجزار وفي ايده حمار
كان مربوط جنب العربية
وبيطنط في المضمار
قمت وقعت في قلب الميه
خفت مسكت بايدي النار
لو هتكلم تبقى قضية
ليلي هيصبح كله نهار
أو هتحط في قلب صنيه
أو هتعلق وسط الدار
قلت انا هجري و زي ما تيجي
او هتسحب زي الفار
اعمل فيها الباشا هريدي
وافرد ايدي واكون طيار
لحظة لقيته بيمسك ايدي
انا من خوفي بقيت محتار
قلت يا عمي و قلت يا سيدي
شفت عنيه بطق شرار
قلت هيقطع ليا وريدي
او يديني يدوب انذار
ويعلمني ويبقي نصيبي
او يسقيني بايده مرار
قال لي هتاخد يابني اللحمه
ولا الجد هيبقي هزار
لو محتاج هنجبلك فحمه
ونولعلك احنا النار
ولا هتطلب منا الرحمة
او تتمني تكون صرصار
لو هتحاول تضرب لخمة
يبقي مفيش قدامنا خيار
يعني هتاكل برضه اللحمه
علشان شكلك يدي حمار
عمري ماهاخد تاني قرار
وانسي الجبنه وزيت الحار
مال الفول كلنا عارفينه
فجل وخس وجنبه خيار
انا مش ممكن اعيش من غيره
انا من غيره اخش النار
للغلبان بيراعي ضميره
للمحتاج الابن البار
كله بيمسك دايما ديله
وبيديله كمان اشعار
بيفطرنا وكتر خيره
بيخلينا نعيش احرار
لما يغيب بنحب نجيله
وان بدلنا بيبقي بصار
علشان كل الناس ضمنينه
انا مش هلعب تاني قمار
بعشق فيه وبحب سنينه
عمري ما هرجع تاني حمار
ولا هتفلسف والعن دينه
عمري ما هاخد تاني قرار
عمري ما هاخد تاني قرار
