almasalsharq
مقالات مشابهة
ناديت عليها لحظه
فيتاني ورايحه فين
قلبي من القسوه ببكي
ودموعي ساكنه العنين
مبقتش بجد عارف
انا مين وانتي مين
ردت انسي وفوتني
ماتعشي كتير حزين
ولا تجري ورايا ابدا
ولا تسال ابقي فين
انساني وروح لحالك
انا تهت وسط غابه
معرفش انا ابقي مين
بتجري ورايه الديابه
والقلب صبح سجين
اهرب من نار جروحي
ونهاية جرحي فين
أرجوك اهرب وفوتني
انا قلبي ضاع من سنين
ياناس اقول واعيد
وابعت لها من جديد
وهي بقلب قاسي
ناشف زي الحديد
افضل أناجي طيفها
واتمني اني اشوفها
وأبكي علي هواها
واعزرها واقول ظروفها
ماهي كانت وانا معاها
فرحان انا بهواها
وبشوف الدنيا حلوه
وسعيد بيها ولقاها
ورجعت اقول واعيد
واشوفها من بعيد
بتقول كلام في بعدي
اني ساكن الوريد
وكأني مالك هواها
عايش عمري معاها
وعيونها بتحكي عني
اني قمة رضاها
طيب ازاي اشوفها
او ارجعها لمكاني
لو كان الشوق عارفها
هاترجع بحضني تاني
انا عمري ماكنت اسي
ولا قلبي كان اناني
